पोखरा । कास्कीको अन्नपूर्ण गाउँपालिका वडा नंं ५ मा सञ्चालित मोदी गंगा आयल स्टोर्स कम्पनी प्रा.लि. तेस्रो वर्षमा प्रवेश गरेको छ । कम्पनीले सोमबार दोस्रो वार्षिकोत्सव मनाएको हो ।
मोदी गंगा ग्रुप अफ कम्पनिज अन्तर्गत २ वर्ष अगाडिबाट गण्डकी प्रदेशकै नमुना पेट्रोलपम्प सञ्चालनमा आएको हो । वार्षिकोत्सवको अवसरमा कम्पनीले सम्पूर्ण ग्राहक, यातायात व्यवसायी, सवारी धनी लगायत शुभेच्छुकहरुप्रति आभार व्यक्त गरेको छ ।
प्रदेशकै नमुना पेट्रोलपम्प सञ्चालन गरी धेरैको विश्वास जित्न सफल भएको सञ्चालक लोकराज पौडेल बताउँछन् ।
मोदी गंगा ग्रुप अफ कम्पनिज अन्तर्गत हालसम्म मोदी गंगा आयल स्टोर्स, मोदी गंगा कन्स्ट्रक्सन, हिमचुली रियलस्टेट, ग्रिन ल्याण्ड रिसोर्ट, कफी बगान, सलिजा सपिङ सेन्टर, नयाँपुल अर्गानिक चुल्हो एण्ड क्याफे, समृद्धि बहुउद्देश्यीय कृषि कम्पनी प्रा.लि., अन्नपूर्ण हार्डवयर एण्ड सप्लायर्स, बगान वारिष्टा कफी स्कुल, बगान बेकरी सञ्चालनमा छन् ।
आगामी दिनमा अन्य व्यवसायमा समेत लगानी विस्तार गर्ने सोच रहेको पौडेल बताउँछन् ।
Comments are closed.