पोखरा । ‘होटल क्राउन हिमालयज’ पोखराले स्थापनाको ११औं वर्ष प्रवेश गरेको छ । पोखराको लेकसाइड गौरीघाटस्थित स्ट्रिट नम्बर ६ मा रहेको होटल क्राउन हिमालयजले १०औं वार्षिकोत्सवको अवसरमा सम्पूर्ण पाहुना, कर्मचारी, शुभेच्छुकहरुमा आाभर तथा शुभकामना व्यक्त गरेको छ ।
होटल क्राउन हिमालयज सन् २०१० बाट शुरु भएको हो । स्वदेशी तथा विदेशी दुवै पर्यटक होटलमा आकर्षित हुने गरेको सञ्चालक आग्रह अर्याल बताउँछन् । ‘हामीले दुवै खालका पर्यटकलाई उच्च प्राथमिकता दिएर सेवा प्रदान गरिरहेका छौं,’ उनले भने, ‘पूर्ण पारिवारिक वातावरणमा पर्यटकलाई स्वागत सत्कार गर्छौं ।’
थ्रि स्टार सरहको सेवा सुविधा प्रदान गर्न सफल होटलमा सिङ्गल, डबल, ट्रिपल, स्ट्यान्डर्ड तथा डिलक्स गरी ३८ वटा रुमहरु छन् । ‘सेवाग्राही तथा पर्यटकले आफ्नो इच्छा अनुसार रुम लिन सक्छन्,’ उनले भने ।
होटलमा छिट्टै लगानी विस्तार गरिने अर्यालले आर्थिक आवाजलाई जानकारी दिए । स्वीमिङ पुल, सेमिनार हल तथा रुमहरु थप गरिने योजना रहेको अर्यालले बताए ।
Comments are closed.