जर्मनी कोभिड सङ्क्रमणको गम्भीर अवस्थामा आएको छ : मार्केल

बर्लिन । जर्मन चान्सर एन्जिला मार्केलले जर्मनी कोभिड–१९ को सङ्क्रमणको गम्भीर अवस्थामा रहेको बताएकी छन् । जर्मनीमा पछिल्लो समयमा कोभिड १९का सङ्क्रमितमरु बढ्दै गएको उउनको भनाई छ ।

“हामी महामारीको अवस्थामा छौँ र मलाई लाग्छ यतिबेला हामी निकै नै गम्भीर अवस्थामा आइपुगेका छौँ”– उनले भनिन् । “अहिलेको अवस्थामा पहिलेभन्दा धेरै अर्थात् अहिलेसम्मकै सबैभन्दा धेरै संख्यामा कोभिडका सङ्क्रमितहरु बढ्दै गएका छन् र यसबाट हामी अहिलेका लागि बच्ने नै ठूलो चुनौती भएको छ” उनले भनिन् ।

बिहीबार पत्रकार सम्मेलनमा अहिलेका लागि सबैभन्दा चुनौतीको काम सङ्क्रमितहरुको सम्पर्कमा आएका मानिसहरुलाई खोज्ने र उनीहरुलाई उपचारको दायरामा ल्याउने बताईन् ।

जर्मनीले अहिलेको अवस्थामा लकडाउन गर्न सक्ने अवस्थामा नरहेको पनि उनले प्रष्ट पारिन् । “हामी आर्थिक हिसाबले पनि अर्को पटकको लकडाउनको अवस्थामा जान सक्दैनौँ र यही खुला रहेकै अवस्थाबाट नै हामीले उपचारका विधिहरु तय गर्नुपर्छ”, उनले भनिन् ।

You might also like

Comments are closed.