काठमाडौं । नेशनल लाइफ इन्स्योरेन्सको बोनस सेयर नेपाल स्टक एक्सचेञ्ज (नेप्से) मा सूचीकृत भएको छ । आज एक सूचना जारी गर्दै नेप्सेले यसको जानकारी गराएको छ ।
नेशनल लाइफ इन्स्योरेन्स कम्पनी लिमिटेडको १९ प्रतिशत बोनस बापतको ६४ लाख ४२ हजार ६ सय ८९ दशमलव ४९ कित्ता सेयर नेप्सेमा सूचिकृत भएको हो ।
नेशनल लाइफ इन्स्योरेन्स कम्पनी लिमिटेडको फागुन २९ गते ३३औँ वार्षिक साधारण सभा बसेको थियो । उक्त सभाले आर्थिक वर्ष २०७६/०७७ को मुनाफाबाट कम्पनीका सेयरधनीहरूलाई चुक्ता पूँजीको १९ प्रतिशत बोनस सेयर र कर प्रयोजनका लागि १ प्रतिशत नगद गरी कुल २० प्रतिशत लाभांश वितरण गर्ने प्रस्ताव पारित गरेको थियो । उक्त प्रस्तावअनुसार नै कम्पनीको बोनस सेयर आजदेखि नेप्सेमा सूचीकृत भएको हो ।
Comments are closed.