श्रृजनशील लघुवित्तको आइपिओ खुल्दै

काठमाडौं । श्रृजनशील लघुवित्त वित्तीय संस्थाको आइपीओ खुल्ला हुने भएको छ । संस्थाले सर्वसाधारणको लागि ३ लाख ९३ हजार ७५० कित्ता सेयर आइपीओ निष्काशन गर्न नेपाल धितोपत्र बोर्डसँग अनुमति मागेको हो ।

धितोपत्र बोर्डले अनुमति दिएपछि कम्पनीले आइपीओ निष्कासन प्रकृया अगाडि बढाउने छ । कम्पनीको आइपिओ निष्कासन तथा बिक्री प्रबन्धकमा कम्पन्ीले सनराइज क्यापिटल लिमिटेडलाई नियुक्त गरेको छ ।

श्रृजनशील लघुवित्त वित्तीय संस्था २०७५ सालमा स्थापना भएको राष्ट्रिय स्तरको ‘घ’ वर्गको वित्तीय संस्था हो। कम्पनी ऐन २०६३ अन्तर्गत वि. सं २०७५ मा नेपाल सरकारको कम्पनी रजिष्ट्रारको कार्यालयमा दर्ता गरिएको हो।