काठमाडौं । सरकारले आगामी आर्थिक वर्षको बजेट ल्याए पछिको लगातार दोस्रो दिन पनि सेयर बजारमा गिरावट आएको छ । सरकारले जेठ १५ गते (आइतबार) आगामी आर्थिक वर्ष २०७९/८० को बजेट सार्वजनिक गरेको थियो ।
बजेट सार्वजनिक भइसकेपछि सेयर बजारमा उत्साह देखिएको छैन् । यस अघि लगानीकर्ता बजेको प्रतिक्षामा रहेका थिए । बजेटसँगै सेयर बजारमा सकारात्मक सर्केट देखा पर्ने अपेक्षा गरिएको भएपनि सेयर बजार भने निराशाजनक छ ।
आज सेयर बजार परिसूचक नेप्से ३५ दशमलव ५३ अंकले घटेर दुई हजार एक सय ३७ दशमलव ९२ विन्दुमा झरेको छ । आज म्युचल फन्डबाहेक अरू सबै समूहको सेयर ओरालो लागेको छ । बीमा, विकास बैंक, व्यापार र माइक्रोफाइनान्स समूहको सेयर उच्च अंकले घटेको छ ।
आज कारोबार भएकोमध्ये उपकार लघुवित्तको सेयरमूल्य सर्वाधिक ८.२३ प्रतिशतले वृद्धि भएको छ । यस्तै, सामलिङ पावरको सेयरमूल्य ४.०२ प्रतिशतले वृद्धि हुँदा लाइफ इन्स्योरेनस कर्पोरेसन नेपालको सेयर मूल्य ३.३५ प्रतिशतले बढेको छ ।
आज नेपाल इन्भेष्टमेन्ट बैंकका सेयर मूल्य लगातार नकारात्मक सर्किट लेभलमा बन्द भएको छ । यस्तै एनएलजी इन्स्योरेन्सको सेयर मूल्य ६.५० प्रतिशतले गिरावट हुँदा कर्पोरेट डेभलपमेन्ट बैंकको सेयर मूल्य ५.७५ प्रतिशतले घटेको छ ।
आज दुई सय २९ कम्पनीको ३७ लाख ६९ हजार कित्ता सेयर किनबेच हुँदा एक अर्ब ३१ करोड ७६ लाख रुपैयाँको कारोबार भएको छ । आज सबैभन्दा धेरै एनआईसी एसिया बैंकको पाँच करोड ३७ लाख रुपैयाँको सेयर किनबेच भएको छ।
Comments are closed.