काठमाडौं । होटल आगन्तुक धुलिखेलले अँग्रेजी नयाँ वर्ष २०२३ को अवसरमा विशेष सांगीतिक कार्यक्रम गर्ने भएको छ । नयाँ वर्षको स्वागतार्थ रिसोर्टले डिसेम्बर ३१ मा गाला डिनर आयोजना गर्न लागेको हो ।
कार्यक्रममा कलाकार अस्मिता अधिकारी र आनन्द कार्कीको विशेष सांगीतिक प्रस्तुति रहने रिसोर्टका सेल्स एण्ड मार्केटिङ हेड मोनिका बनले जानकारी दिइन् । गाला डिनरमा सहभागी हुनका लागि प्रि-बुकिङ सुरु भएको छ ।
गाला डिलरको लागि रिसोर्टले अफरसहितको प्याकेज सार्वजनिक गरेको छ । गाला डिनर, रुम र ब्रेकफास्ट समावेश गरी एक जोडीलाई २४९९९ रुपैयाँको प्याकेज सार्वजनिक गरिएको हो ।
प्याकेजमा अनलिमिटेड बियर, बिबिक्यु, स्न्याक्स, डिनर लगायत समावेश छ । रुममा एक बोतल वाइन, कक्टेल, मक्टेल लगायतको सुविधा पनि उपलब्ध रहेको बताइएको छ । अँग्रेजी नयाँ वर्षलाई हर्षउल्लासका साथ स्वागत गर्ने लक्ष्यसहित कार्यक्रम आयोजना गरिएको बनले जानकारी दिइन् ।
धुलिखेलको सुविधा सम्पन्न तथा सुन्दर वातावरणमा रहेको होटलमा बसेर नयाँ वर्ष मनाउन चाहने पर्यटकका लागि प्याकेज निकै सस्तो र आकर्षक रहेको उनले बताइन् । ‘यो प्याकेज अन्तर्गत होटल बुकिङ हुने क्रम जारी छ,’ उनले भनिन् ।
होटल आगन्तुकमा ५२ वटा रुम छन् । २० वटा रुम निर्माणाधीन छन् । अपार्टमेन्ट स्विट ४ वटा र २ वटा हलको सुविधा छ । स्विमिङ पुल, साउना, स्टिम लगायतको सुविधा होटलमा छ । स्तरीय सेवाका साथै रिसोर्टबाट देखिने सुन्दर दृश्यले पनि यहाँ आउन पर्यटक आकर्षित हुन्छन् ।
Comments are closed.