धुलिखेल । काभ्रेको बनेपामा रहेको आगन्तुक रिसोर्टले दसैंलाई लक्षित गरि विशेष छुट सहित अफर सार्वजनिक गरेको छ । अफर कात्तिक ९ गते (अक्टोवर २६) सम्म रहने छ । अफर अन्तर्गक ग्राहकले होटल रुम तथा खानामा १५ प्रतिशत छुट पाउने रिसोर्टका सेल्स एण्ड मार्केटिङ डिरेक्टर सुरज बिष्टले आर्थिक आवाजलाई जानकारी दिए ।
रिसोर्टमा हरेक शुक्रबार १२ हजार ९ सय ९९ रुपैयाँमा २ जनाले साझँको खाना, अनलिमिटेड बिबिक्यु, शनिबार बिहानको नास्ताको सुविधा पाउने छन् ।
धुलिखेलको सुविधा सम्पन्न तथा सुन्दर वातावरणमा रहेको होटलमा बसेर दसैं बिदा मनाउन चाहने पर्यटकका लागि निकै सस्तो र आकर्षक प्याकेज आफूहरुले ल्याएको बिष्टले बताए । ‘यो प्याकेज दसैंका लागि विशेष अफर बन्न सक्छ,’ उनी भन्छन् ।
होटल आगन्तुकमा ५२ वटा रुम संचालनमा छन् । २० वटा थप रुम संचालनको तयारीमा छन् । अपार्टमेन्ट स्विट ४ वटा र २ वटा हलको सुविधा छ । स्विमिङ पुल, स्टिम लगायतको सुविधा होटलमा छ ।
स्तरीय सेवाका साथै रिसोर्टबाट देखिने सुन्दर दृश्यले पनि यहाँ आउन पर्यटक आकर्षित हुने गरेका छन् ।
Comments are closed.