पोखरा । नेपाल बीमा प्राधिकरण गण्डकी प्रदेशको आयोजनामा शनिबार मैत्रीपूर्ण फुटसल प्रतियोगिता सम्पन्न भएको छ । प्राधिकरणको ५६औं वार्षिकउत्सवको पूर्वसन्ध्यामा शनिबार पोखरामा प्रतियोगिता भएको हो ।
नेपाल बीमा प्राधिकरण, निप्स पोखरा च्याप्टर, जीवन तथा लघु बिमा र निर्जिवन बीमा कम्पनीका प्रदेश प्रमुखबीच भएको प्रतियोगितामा विजेता नेपाल बीमा प्राधिकरण गण्डकी प्रदेश भएको छ । उपबिजेता निप्स पोखरा च्याप्टर भएको छ ।
नेपाल बीमा प्राधिकरण गण्डकी प्रदेशका प्रमुख केशवप्रसाद दाहालको अध्यक्षतामा भएको कार्यक्रममा निप्स पोखरा च्याप्टरका अध्यक्ष वद्रीनाथ पौडेल, नेपाल वीमा प्राधिकरणका सहायक निदेशक सुन्दर शर्मा, सुदिप गिरी लगायतले बीमाको महत्वको बारेमा धारणा राखेका थिए ।
वार्षिकोत्सवकै अवसरमा आइतबार रक्तदान र जेठ १ गते प्रभातफेरी कार्यक्रम हुने नेपाल बीमा प्राधिकरणा गण्डकी प्रदेशका प्रदेश प्रमुख केशवप्रसाद दाहालले जानकारी दिए ।
Comments are closed.