पोखरा । विरौटा बचत तथा ऋण सहकारी संस्थाको १३ औ वार्षिक उत्सवको अवसरमा रक्तदान कार्यक्रम सम्पन्न भएको छ ।
स्वास्थ्यका लागी रक्तदान भन्ने उद्देश्य सहित गरीएको कार्यक्रमको शुभाराम्भ रेडक्रस सोसाइटी पोखरा १७ का अध्यक्ष झपिन्द्र राज रेग्मीले पहिलो रक्तदाता खिम राज आचार्यलाइ ब्लड ब्याग हस्तन्तरण गरी शुभारम्भ गरिएको थियो ।
कार्यक्रममा सराङकोट बहुउद्देश्यीय सहकारी संस्थाका अध्यक्ष कृष्ण बहादुर थापाले ७१ औं पटक रक्तदान गरेका थिए ।
संस्थाका अध्यक्ष टिका प्रसाद पौडेलको सभापतित्वमा भएको कार्यक्रममा रक्त संचार केन्दका प्रमुख अर्जुन ज्ञवाली ,जेष्ठ नागरीक मञ्चका अध्यक्ष टोपराज ढुङ्गाना , उपाध्यक्ष ध्रुब अधिकारी ,सचिव ओम प्रकाश प्रसाद बराल ,संयोजक विकास गुरुङ ,पूव अध्यक्ष राजेन्द्र गुरुङ, रेडक्रसका सदस्य दिपेन्द बराल लगायतले आ आफ्नो भनाइ राखेका थिए । कार्यक्रममा रत्तदानको महत्व स्वास्थ्य सम्बन्धी सचेतना प्राविधिक समिक्षा अधिकारीले राखेकी थिइन् ।
१३ बर्ष अगाडी स्थापित सहकारीको शेयर पुँजी ५ करोड रहेको छ भने लगानी १४ करोड सहित कुल कारोबार २३ करोड रहेको अध्यक्ष पौडेलले बताए ।
Comments are closed.