पोखरा । रोयल इन्फिल्ड क्लासिक ३५० का पाँच नयाँ भेरियन्ट पोखरामा सार्वजनिक गरिएको छ । रोयल इन्फिल्डका लागि पोखरा क्षेत्रको आधिकारिक बिक्रेता बुलेट ट्रेडर्स नयाँबजार पोखराले बिहीबार एक कार्यक्रमबीच बाइक सार्वजनिक गरेको हो ।
पश्चिमाञ्चल अटोमोबाईल डिलर्स एसोसिएसनका अध्यक्ष दीपेन्द्र कोइराला र ट्रेडर्सका सञ्चालक मनोज थापाले रोयल इन्फिल्ड क्लासिक ३५० का नयाँ भेरियन्ट सार्वजनिक गरेका हुन् । नयाँ भेरियन्टमा उपलब्ध बाइकहरु पोखरा क्षेत्रमा लोकप्रिय हुने अध्यक्ष कोइरालाले विश्वास व्यक्त गरे । ‘बुलेट बाइक देशभर लोकप्रिय छ,’ उनले भने, ‘पोखरामा पनि लोकप्रिय रहेको यो बाइकको बिक्री आगामी दिनमा अझै बढ्नेछ भन्ने हाम्रो विश्वास छ ।’
राम्रो प्रडक्ट भएकाले र बिक्री पछिको सेवालाई प्राथमिकता राख्दै सेवा प्रदान भएकाले आफूहरुले ग्राहकको विश्वास जित्न सफल रहेको सञ्चालक मनोज थापाले बताए ।
अब पोखराबाट रोयल इन्फिल्ड क्लासिक ३५० बाइकहरुको बुकिङ, टेस्ट राइड र बिक्री सुरु भएको थापाले जानकारी दिए । पुरानो आकर्षणलाई कायम गर्दै शैली र गुणमा आधुनिक सुधारसहित क्लासिक ३५० का नयाँ मोडलका बाईकहरु पोखरा भित्र्याइएको थापाले जानकारी दिए । सुरूवाती भेरियन्टमै कम्पनीले डुअल च्यानल एबिएससहित प्रिमियम एलइडी हेडल्याम्प, एलइडी पाइलट ल्याम्प पनि उपलब्ध गराउनेछ ।
त्यसमा टाइप सी युएसबी चार्जर हुने र गियर सूचक जनाउने गियर इन्डिकेटर पनि हुने सञ्चालक थापाले बताए । कार्यक्रममा पश्चिमाञ्चल अटोमोबाइल डिलर्स एसोसिएसनका अध्यक्ष कोइरालाले पोखरामा रोयल इन्फिल्डको नयाँ भेरियन्टको आगमनले अटोमोबाइल क्षेत्रमा नयाँ ईंट्टा थपिएको बताए ।
उनले रोयल इन्फिल्डको आधुनिक सुधारसहितको क्लासिक डिजाइनले क्लासिक मोटरसाइक्लिङलाई थप रोमाञ्चित बनाउने र उपभोक्ताको मन जित्नेमा आशावादी रहेको सुनाए । रोयल इन्फिल्डका पाँच नयाँ भेरिएन्टमा हेरिटिज सिरिज, हेरिटेज प्रिमियम भेरियन्ट, सिग्नल सिरिज, डार्क सिरिज र क्लासिक क्रोम छन् ।
हेरिटेज प्रिमियम भेरियन्ट मेडालियन ब्रोन्जमा उपलब्ध छ भने सिग्नल सिरिज कमान्डो स्यान्ड, डार्क सिरिज खैरो र कालो मिश्रित रंगमा तामाको हल्का लेपन लगाइएको छ । क्लासिक क्रोम निख्खर हरियो स्वरूपमा उपलब्ध रहेको रोयल इन्फिल्डका गेयर एन्ड जिएमए म्यानेर सुसन महर्जनले जानकारी दिए ।
नयाँ क्लासिक ३५० ले इनफिल्डको विरासतलाई थप समृद्ध बनाउनुका साथै नयाँ पुस्ताका राइडरमाझ नवीन तरिकाले यसको विरासतअघि बढ्ने बुलेट ट्रेडर्सको विश्वास छ । नयाँ मोटरसाइकलहरुको मूल्य ५ लाख ५५ हजारदेखि ५ लाख ७९ हजार ९ सय रुपैयाँसम्म तोकिएको छ ।
Comments are closed.