पोखरा ।
ढिकालेथर महिला बचत तथा ऋण सहकारी संस्था पोखरा १२ ले नवौं स्थापना दिवसको अवसरमा पोखरा १४ को वात्सायान बृद्धाश्रमका बृद्ध बृद्धालाई नगद तथा फलफुल वितरण गरेको छ ।
ढिकालेथर महिला बचत तथा ऋण सहकारी संस्थाका अध्यक्ष सृजना सिग्देलको अध्यक्षतामा भएको कार्यक्रममा प्रमुख अतिथि पोखरा १४ का वडा अध्यक्ष प्रेम वहादुर कार्कीले ब्यानरमा हस्ताक्षर गरी कार्यक्रम उद्दघाटन गरे ।
कार्यक्रममा वडा अध्यक्ष प्रेम वहादुर कार्कीले ढिकालेथर महिला बचत तथा ऋण सहकारी संस्थाले वात्सायान बृद्धाश्रमका बृद्ध बृद्धालाई नगद तथा फलफुल वितरण गरेकोमा सहकारीका अध्यक्ष लगायत संचालक समितिलाई धन्यवाद दिदै सहकारीको उत्तरोत्तर प्रगतिको कामना गरे ।
सहकारीका सचिव सीता आचार्यले सन्चालन गरेको कार्यक्रममा कार्यक्रम संयोजक सिता दाहालले स्वागत गरेकी थिईन् । कार्यक्रममा सहकारीका सल्लाहकार बल बहादुर कार्की, कुल प्रसाद दाहाल ब्यवस्थापक अनु पाठक लगायतले बोलेका थिए ।
Comments are closed.