काठमाडौं । दूधको बक्यौता रकम नपाएको भन्दै नेपाली दुग्ध किसानहरू सडक आन्दोलनमा उत्रिएका छन् । दुग्ध विकास संस्थानलाई पटक–पटक मूल्य भुक्तानीका लागि आग्रह गरिँदै आए पनि रकम नपाएपछि किसानहरूले आज लैनचौरस्थित दुग्ध विकास संस्थान (डीडीसी) को कार्यालयमा धर्ना दिने कार्यक्रम तय गरेका छन् ।
दुग्ध किसानहरूले विगत लामो समयदेखि दूध बिक्री–वितरणका क्रममा भुक्तानी नपाउँदा आर्थिक संकट व्यहोर्नु परेको गुनासो गर्दै आएका छन्। मूल्य नपाउँदा परिवारको पालनपोषण, छोराछोरीको शिक्षादीक्षा र पशुपालनमा गम्भीर समस्या भएको उनीहरूको भनाइ छ ।
यता सरकारले बजेट अभाव देखाउँदै उखु किसानलाई दिँदै आएको प्रतिक्विन्टल ७० रुपैयाँ अनुदान घटाएर ३५ रुपैयाँ मात्र दिने निर्णय गरेपछि उखु किसानहरू आन्दोलित बनेका छन् । हाल माइतीघरमा धर्ना दिइरहेका उखु किसानहरूले राजमार्ग केन्द्रित आन्दोलन गर्ने चेतावनीसमेत दिएका छन् ।
Comments are closed.