झापा । नेपाल उद्योग वाणिज्य महासंघ कृषि उद्यम केन्द्रका सभापति एवं सहकारी महासंघका उपाध्यक्ष डिबि बस्नेत सम्मानित भएका छन् । मेची बहुउद्देश्यीय सहकारी संस्था दमक झापामा आयोजित ‘सहकारी अभियान कर्मी’ सम्मानबाट उनी सम्मानित भएका हुन् । मन्त्री देबेन्द्र दाहालले बस्नेतलाई शनिबार आयोजित एक कार्यक्रमबीच सम्मान गरे ।
मेची बहुद्देशीय सहकारी संस्था लिमिटेड दमकले आफ्नो २९औँ वार्षिकोत्सव तथा ३१औं साधारणसभाका अवसरमा बस्नेतलाई सम्मान गरिएको हो । नेपालको सहकारी अभियान तथा सामाजिक क्षेत्रमा पुर्याएको योगदानको कदर गर्दै बस्नेतलाई सम्मान गरिएको जनाइएको छ ।
बस्नेतलाई ३४ हजार ६६६ रुपैयाँ नगदा सहित सम्मान गरिएको हो । सहकारी तथा सामाजिक क्षेत्रमा काम गर्न सम्मानले आफूलाई थप प्रेरणा मिलेको बस्नेतले बताए ।
सहकारीका अध्यक्ष नारायणप्रसाद भट्टराईका अध्यक्षतामा कार्यक्रम भएको हो ।
Comments are closed.