नेदरल्याण्डका विद्यार्थीद्वारा कुमुदिनी होम्स अवलोकन, विद्यालयलाई शैक्षिक सामग्री सहयोग

पोखरा । पोखराको गैह्रापाटनमा रहेको कुमुदिनी होम्स माध्यमिक विद्यालयमा आज नेदरल्याण्डबाट आएको २६ जना विद्यार्थीहरु र शिक्षकहरुकाे टाेलीले अवलोकन गरेको छ ।  विद्यालयका संस्थापक अध्यक्ष अशोक पालिखेले ग्लोबल एक्सपेरियन्सका २६ जना विद्यार्थी र शिक्षकहरुकाे विद्यालयमा शिक्षक र विद्यार्थीबीच शैक्षिक परामर्शका कुराहरु भएको बताए ।

उनीहरुको  पहिलो भिजिट भएको र विद्यार्थीबीचको यसकिसिमको जमघटले शैक्षिक आदानप्रदानमा भविष्यका लागि महत्वपूर्ण कडि भएको बताए । सो अवसरमा उनले विद्यालयमा साईन्स, व्यवस्थापन, होटल म्यानेजमेन्टको पढाईका साथसाथै इन्टरनेशनल करिकुलम अन्र्तगतका कक्षा, थ्रिडिआई तथा कम्प्युटरको अध्यापन भईरहेको बताए ।

स्टुडेन्ट एक्सचेन्ज प्रोग्राममा कुमुदिनीका विद्यार्थी र डच विद्यार्थीहरु तीन समूहमा विभाजन भएर ए समूहले मन्दिरको अवलोकन, समूह बि ले हेरिटेज वाक र समूह सि ले बृद्धाश्रमकाे अवलोकन भ्रमण गरेको छ । यसैबीच, कुमदिनी होम्सले आजै ग्रामिण क्षेत्रमा रहेका दुई विद्यालयका विद्यार्थीका लागि नयाँ शेैक्षिक सत्रका लागि शैक्षिक सामग्री हस्तान्तरण गरेके छ ।

कुमुदिनीका कक्षा १ देखि १० कक्षा सम्मका विद्यार्थीले जम्मा गरेके वर्षभरी पुग्ने पेन्सिल, कापि र कलम हस्तान्तरण गरिएकाे हाे । केहि समयपछि खाजा खर्च उपलव्ध गराइने पालिखेले बताए । विद्यालयले सामाजिक उत्तरदायित्व बहन गर्दै बिगत १२ वर्षदेखि पोखरा महानगरपालिका वडा नं १९ पुरञ्चौरमा रहेको हिमालयन प्रावि तथा माछापुच्छ्रे गाउँपालिका खादरजुङमा रहेको बाराही प्राविका लागि ति सामग्री उपलव्ध गराएको हो ।