काठमाडौं । इन्लाइटन इन्टरनेशनल एजुकेसन प्रा.लि स्थापनाको १५औं वर्षमा प्रवेश गरेको छ । ९ डिसेम्बर २००९ मा स्थापना भएको इन्लाइटनले हालै १५औं वार्षिकोत्सव मनाएको हो ।
काठमाडौंको बागबजारमा प्रधान कार्यालय रहेको इन्लाइटनको रिजनल कार्यालयहरु बुटवल, चितवन र पोखरामा छन् । उच्च शिक्षा अध्ययनका लागि विदेश जाने विद्यार्थीलाई बिगत १४ वर्षदेखि परामर्श सेवा प्रदान गर्दै आइरहेको इन्लाइटन नेपालको प्रशिद्ध शैक्षिक परामर्शदातृ संस्था मध्येमा पर्छ । इक्यानका महासचिव समेत रहेका दीपकराज भुषाल इन्लाइटनका कार्यकारी अध्यक्ष हुन् ।
उच्च शिक्षा अध्ययनका लागि अष्ट्रेलिया, जापान, क्यानडा, युके, न्युजिल्याण्ड, युएसए, लगायतका देश जान चाहने विद्यार्थीलाई संस्थाले परामर्श सेवा प्रदान गर्दै आइरहेको छ । इन्लाइटनले टेष्ट प्रिपेरेसन अन्तर्गत आइएलटिएस र जापानिज भाषा कक्षा सञ्चालन गर्दै आइरहेको भुषालले जानकारी दिए ।
वाषिकोत्सवको अवसरमा भुषालले संस्थाका संस्थापक, कर्मचारी, कलेज तथा युनिभर्सिटी, सरोकारवाला, विद्यार्थी, अभिभावक लगायतलाई हार्दिक आभार व्यक्त गरेका छन् । आगामी दिनमा थप विस्तारित, सुदृढ तथा पारदर्शी भएर अघि बढ्ने प्रतिवद्धता समेत उनले व्यक्त गरेका छन् ।
Comments are closed.