काठमाडौं । नेपाल राष्ट्र बैंकले आगामी बडादशैंलाई लक्षित गर्दै सुकिला नोट सटही गर्ने व्यवस्था गर्ने भएको छ ।
राष्ट्र बैंकको मुद्रा व्यवस्थापन विभाग, थापाथली तथा प्रदेशस्थित कार्यालय विराटनगर, जनकपुर, वीरगञ्ज, पोखरा, सिद्धार्थनगर, नेपालगञ्ज र धनगढीमार्फत साथै इजाजतप्राप्त ‘क’, ‘ख’ र ‘ग’ वर्गका बैंक तथा वित्तीय संस्थाका शाखा कार्यालयमार्फत सुकिला नोट सटही सुविधा उपलब्ध गराइनेछ ।
यस वर्षको सुकिला नोट सटही कार्यक्रम २०८२ साल भदौ १६ गतेदेखि सुरु भई २०८२ साल असोज १० गतेसम्म सञ्चालन हुने नेपाल राष्ट्र बैंकले जनाएको छ । राष्ट्र बैंकले तोकिएको समयसीमाभित्र सर्वसाधारणले विभिन्न बैंक तथा वित्तीय संस्थामार्फत सुकिला नोट सटही गर्न सक्ने जनाएको छ।
Comments are closed.