काठमाडौं । स्वतन्त्र शैक्षिक परामर्श संघ नेपाल (फेकन) को महासचिवमा छविन्द्र ओझा निर्वाचित भएका छन् ।
शनिबार काठमाडौंमा सम्पन्न १२औं साधारणसभाबाट उनी संघको महासचिव निर्वाचित भएका हुन् । महासचिवमा निर्वाचित गराउने फेकन सदस्यहरुप्रति उनले आभार व्यक्त गरेका छन् । व्यवस्थित सचिवालयसहित शैक्षिक परामर्श व्यवसायको हकहितमा आफूले सक्रियताका साथ काम गर्ने उनले बताए ।
संघको अध्यक्षमा राजु निरौला निर्वाचित भएका छन् । संघको उपाध्यक्षमा उमेश कुश्वार, अमित बाबु ढुङ्गाना, दीपक सिलवाल निर्वाचित भएका छन् । सचिवमा इन्द्रजित गौतम र पृथ्वीबहादुर चन्द निर्वाचित भए । कोषाध्यक्षमा दीपेन्द्र पोखरेल, सहकोषध्यक्षमा गौतम पुडासैनी निर्वाचित भएका छन् ।
सदस्यमा राजकुमार ढकाल, मञ्जु लामिछाने, रोशन खरेल, एलिजा उप्रेती, सञ्जय बस्नेत, खगेन्द्र श्रेष्ठ, महेश हमाल निर्वाचित भएका छन् ।
Comments are closed.