काठमाडौं । एमएडब्लू वृद्धि अन्तर्गतको फोटोन मोटर नेपालले बैशाख २५ गते ललितपुरको बालकुमारीस्थित कान्तिपुर गार्डेन्समा कस्टमर मिट एण्ड ग्रिट कार्यक्रम सम्पन्न गरेको छ। यो कार्यक्रम काठमाडौं उपत्यकाभरिका विद्यमान ग्राहक, सम्भावित खरिदकर्ता, फ्लीट संचालक, व्यवसायिक अपरेटर तथा प्रमुख सरोकारवालालाई एकै ठाउँमा ल्याएर उनीहरूको अनुभव र अपेक्षाबारे खुला र अर्थपूर्ण छलफल गर्ने उद्देश्यले आयोजना गरिएको थियो।
कार्यक्रमको मुख्य उद्देश्य ग्राहकको प्रतिक्रिया लिनु रहेको थियो। ग्राहकहरूलाई आफ्ना स्वामित्व अनुभव, सेवा सम्बन्धी आवश्यकता तथा सुझाव एवम् इमान्दार प्रतिक्रियाहरू प्रत्यक्ष रूपमा साझा गर्ने अवसर प्रदान गरिएको थियो। सम्भावित खरिदकर्ताहरूले पनि फोटोनका विभिन्न कमर्सियल सवारी साधनबारे थप जानकारी लिन र फोटोन नेपाल टिमलाई प्रत्यक्ष प्रश्न सोध्ने अवसर पाएका थिए। यस्तो प्रत्यक्ष संवादले बिक्रीपछि पनि ग्राहकसँगको सम्बन्ध निरन्तर रहने फोटोन नेपालको विश्वास छ।
शहरी सामान ढुवानी, स्कुल यातायातदेखि फ्लीट सञ्चालन र व्यवसायिक यात्रासम्म समेट्ने कमर्सियल यातायातका लागि काठमाडौं, नेपालकै सबैभन्दा सक्रिय बजारमध्ये एक हो। यस कार्यक्रम मार्फत फोटोन नेपालले काठमाडौं, ललितपुर र भक्तपुरका बढ्दो मोबिलिटी आवश्यकताहरूलाई अझ राम्रोसँग बुझ्ने र सेवा प्रदान गर्ने आफ्नो प्रतिबद्धतालाई पुनः पुष्टि गरेको छ।
आफ्टर(सेल्स सर्भिस सम्बन्धी विषय नै कार्यक्रमको प्रमुख छलफल बिन्दुहरूमध्ये एक बनेको थियो। ग्राहकहरूले सेवाको पहुँच, स्पेयर पार्ट्सको उपलब्धता, मर्मत गुणस्तर तथा प्रतिक्रियाबारे आफ्ना विचार व्यक्त गरेका थिए। संकलित प्रतिक्रिया एमएडब्लू वृद्धिले सेवा मापदण्ड सुधार गर्न र ग्राहकको समग्र स्वामित्व अनुभवलाई अझ सहज र भरपर्दो बनाउन प्रयोग गर्ने बताइएको छ।
नेपालमा कमर्सियल ईभीको अपनत्व बढ्दै गइरहेको सन्दर्भमा, फोटोन नेपालले आफ्नो ईभी इकोसिस्टम प्रति विश्वास बढाउने अवसर पनि लियो। विद्यमान ग्राहकहरूलाई एमएडब्लू वृद्धि मार्फत प्रदान गरिने ईभी इकोसिस्टम तथा आफ्टर(सेल्स सपोर्ट नेटवर्कबारे आश्वस्त पारिएको थियो।
फोटोन नेपालको विस्तार हुँदै गएको देशव्यापी नेटवर्कले ग्राहकहरूलाई विश्वसनीय सर्भिस सपोर्ट, जेनुइन स्पेयर पार्ट्स र दक्ष प्राविधिक सहयोग प्रदान गर्दै आएको छ, जसले शहरी तथा क्षेत्रीय दुवै ग्राहकलाई प्रभावकारी सेवा सुनिश्चित गर्छ।
एमएडब्लू वृद्धि कमर्सियल नेपालमा कमर्सियल सवारी साधन आपूर्तिकर्ता कम्पनी हो, जो उत्कृष्ट मोबिलिटी सोलुसन्स विकास गर्न र उपलब्ध गराउन क्रियाशील छ। कम्पनी फोटोन सवारी साधनको आधिकारिक वितरक हो र विश्वसनीयता, प्रदर्शन तथा ग्राहक सन्तुष्टिमा आधारित सेवा प्रदान गर्न प्रतिबद्ध छ। देशभर फैलिँदै गएका शोरुम र सर्भिस सेन्टरहरूको नेटवर्कमार्फत एमएडब्लू वृद्धि कमर्सियलले व्यवसायिक ग्राहकहरूलाई उच्च गुणस्तरका सवारी साधन तथा विश्वस्तरीय आफ्टर(सेल्स सर्भिस उपलब्ध गराउँदै आएको छ।
Comments are closed.