काठमाडौं । चिनियाँ अटो ब्रान्ड फोर्थिङले नेपालमा आफ्नो नयाँ इलेक्ट्रिक सवारीसाधन (ईभी) सार्वजनिक गर्ने तयारी गरेको छ । आगामी नाइमा नेपाल मोबिलिटी एक्स्पो २०२५ को अवसरमा साउन २१ गते काठमाडौंको भृकुटीमण्डपमा यो गाडी सार्वजनिक गरिनेछ ।
‘Your Next Move’ नारासहित सार्वजनिक हुन लागेको यो मोडलले नेपाली विद्युतीय सवारी बजारमा नयाँ सम्भावना बोकेको अनुमान गरिएको छ । फोर्थिङ ईभीमा शक्तिशाली इलेक्ट्रिक मोटर जडान गरिएको छ, जसले उत्कृष्ट पर्फर्मेन्स र इन्धन खर्चको उल्लेखनीय बचत गर्छ । एकपटक फुल चार्जमा ४०० देखि ५०० किलोमिटरसम्म यात्रा गर्न सकिने क्षमताले यो गाडी लामो दूरीका लागि पनि उपयुक्त हुने अपेक्षा गरिएको छ । फास्ट चार्जिङ सपोर्ट भएकाले करिब ३०–४५ मिनेटमै ८०% ब्याट्री चार्ज गर्न सकिन्छ ।
गाडीको डिजाइन आकर्षक र भविष्यप्रविधियुक्त छ। स्लिम एलईडी हेडलाइट, स्पोर्टी लुक, र एयरोडायनामिक बॉडी यसलाई प्रिमियम श्रेणीमा पुर्याउँछ । सुरक्षाका लागि एबीएस, ईबीडी, मल्टीपल एयरब्याग, अटो ब्रेक असिस्ट, लेन डिपार्चर वार्निङ, र ३६० डिग्री क्यामेरा प्रणाली समावेश गरिएको छ ।
स्मार्ट इन्टेरियरको हिसाबले यसमा डिजिटल टचस्क्रिन डिस्प्ले, वाइरलेस चार्जिङ, भ्वाइस कमाण्ड, र मोबाइल एपमार्फत रिमोट कन्ट्रोल सुविधा रहेका छन् । ग्राहकले मोबाइलबाटै गाडी स्टार्ट/स्टप, चार्ज स्टेटस, ट्र्याकिङ र क्लाइमेट कन्ट्रोल गर्न सक्छन् ।
नाइमा एक्स्पोमा यस गाडीको सार्वजनिक प्रदर्शनीसँगै आकर्षक अफरहरू पनि उपलब्ध हुनेछन्। टेस्ट ड्राइभ, गिफ्ट ह्याम्पर, विशेष बुकिङ छुट र फाइनान्स योजनाजस्ता सुविधाहरू ग्राहकका लागि प्रदान गरिनेछ ।
विद्युतीय सवारीप्रति बढ्दो चासोका बीच फोर्थिङको नयाँ ईभी नेपालमा स्मार्ट, दिगो र वातावरणमैत्री यातायाततर्फको एक महत्वपूर्ण कदमको रूपमा हेरिएको छ ।
Comments are closed.