GAC Aion ले चीनमा नयाँ Aion i60 सार्वजनिक गर्दै आफ्नो ग्लोबल लाइनअपलाई थप विस्तार गरेको छ। यो मोडेलले हाल नेपालमा उपलब्ध Aion V र Aion Y को सफलतापछि ब्रान्डको उपस्थितिलाई अझ मजबुत बनाउन सक्ने अनुमान गरिएको छ ।
Aion i60 पाँच सिट भएको कम्प्याक्ट SUV हो र यो प्योर-इलेक्ट्रिक तथा रेंज–एक्सटेन्डेड (EREV) दुवै भर्सनमा उपलब्ध छ । लामो दूरी चलाउने ग्राहकलाई प्राथमिकता दिँदै यो मोडेलले रेन्ज र दक्षतामा केन्द्रित विशेषता प्रदान गर्छ । प्योर–इलेक्ट्रिक भर्सनमा ७५ kWh ब्याट्री दिइएको छ, जसले अधिकतम ६५० किलोमिटर CLTC रेन्ज दिन्छ ।
यसलाई ३०% बाट ८०% सम्म फास्ट चार्ज गर्न करिब १५ मिनेट लाग्छ । EREV भर्सनमा १.५L इन्जिन (७४ kW) र १८० kW इलेक्ट्रिक मोटरको संयोजन छ, जसले २१० किलोमिटरको प्योर EV रेन्ज र १,२४० किलोमिटरको संयुक्त कुल रेन्ज उपलब्ध गराउँछ । डिजाइनतर्फ, Aion i60 मा स्लिम LED हेडलाइट, सफा फ्रन्ट फेसिया र ‘Aion’ वर्डमार्कसहित परिष्कृत लुक दिइएको छ ।
यसको ४६८५ mm लम्बाइ, १८५४ mm चौडाइ र १६६० mm उचाइले इसे मजबूत रोड–प्रेजेन्स दिन्छ । सेमी–हिडन डोर ह्यान्डल र १८/१९ इन्च ह्विल विकल्पले आधुनिकता थप्छन् । पछाडितर्फ फुल–विथ LED लाइट बार र इल्युमिनेटेड लोगो मुख्य आकर्षण हुन् । भित्री क्याबिनमा Aion को परिचित डिजाइनलाई अझ आधुनिक र सफा रूपमा प्रस्तुत गरिएको छ ।
यसमा GAC को GSD Intelligent Driving Suite समावेश छ, जसमा High-speed Navigation Driving Assist (NDA), स्वचालित पार्किङ (HPA) र लेन–चेन्ज सपोर्ट जस्ता प्रिमियम सुविधाहरू छन् । नेपालमा Aion V र Aion Y को सफलतापछि, यदि GAC Aion ले नेपाली बजारमा आफ्नो लाइनअप विस्तार गर्ने निर्णय गर्यो भने, नयाँ Aion i60 मध्यम-आकारको इलेक्ट्रिक SUV सेग्मेन्टमा बलियो प्रतिस्पर्धी बन्ने सम्भावना उच्च छ ।
Comments are closed.