सामसङ ग्यालेक्सीको आइकोनिक डिजाइनको वड्स थ्रि एफई सार्वजनिक

ग्यालेक्सी Buds3 FE ले आकर्षक मूल्य श्रेणीमै फ्ल्यागशिप स्तरका विशेषता उपलब्ध गराउने दाबी गरेको छ । “ब्लेड” शैलीको आइकोनिक डिजाइन, ठूलो स्पिकर, उन्नत Active Noise Cancelling (ANC), र क्रिस्टल क्लियर कल टेक्नोलोजीले प्रयोगकर्तालाई गहिरो ध्वनि र स्पष्ट सञ्चारको अनुभव दिलाउने कम्पनीको दाबी छ। AI समर्थित कल फीचरले भीडभाड वा शोरगुलयुक्त वातावरणमा पनि उपयोगकर्ताको आवाज छुट्याएर शुद्ध रूपमा प्रसारण गर्न सक्षम बनाउँछ ।

ग्यालेक्सी इकोसिस्टमसँग सहज रूपमा जडान हुने गरी डिजाइन गरिएको Buds3 FE मा Auto Switch सुविधा छ, जसका कारण ग्यालेक्सी स्मार्टफोन, ट्याब्लेट वा ल्यापटपबीच छिटो र सरल रूपमा स्विच गर्न सकिन्छ। एप–रहित तत्काल नियन्त्रण र तीव्र कनेक्टिभिटीले संगीत, कल वा यात्रा–कन्साइन समयमा समेत प्रयोगकर्ता सदैव सहज रूपमा कनेक्टेड र नियन्त्रणमा रहन सक्नेछन् ।

सामसङ नेपालका MX डिभिजनका डाईरेक्टर प्रणय रत्न स्थापनाले भने, “ग्यालेक्सी Buds3 FE ले ग्यालेक्सी AI र स्मार्ट अडियोको शक्ति अझ व्यापक प्रयोगकर्तासम्म पुर्‍याएको छ। आकर्षक र पहुँच योग्य डिजाइनसहित, बिना सम्झौता स्वतन्त्र रूपमा सुन्ने, अन्तरक्रिया गर्ने र अनुभूत गर्ने स्वतन्त्रता प्रदान गर्नु नै यसको उद्देश्य हो।”

ग्यालेक्सी Buds3 FE नेपालभरका अधिकृत सामसङ खुद्रा स्टोरहरूमा उपलब्ध भइसकेको छ। यसको मूल्य रु. १९,९९९ निर्धारण गरिएको छ । साथै, Hulas Finserve Hire Purchase Ltd. द्वारा सञ्चालित Samsung Insta Finance मार्फत ग्राहकले ०% ब्याजदरमा सजिलो EMI सुविधासहित खरीद गर्न सक्ने विकल्प पनि उपलब्ध छ ।