काठमाडौं । शैक्षिक परामर्श व्यवसायको प्रतिष्ठिन संस्था ग्लोबल रिचको आयोजनामा पाचौं संस्करणको ‘इन्टर स्कुल हडल २०२३ फुटसल प्रतियोगिता हुने भएको छ । प्रतियोगितामा काठमाडौं उपत्यकामा रहेका ए लेभल÷आइडिपी अध्यापन हुने १६ कलेजको सहभागिता रहने बताइएको छ ।
ढुकु फुटसल हवमा अगस्ट ५ (साउन २०) शनिबार सो प्रतियोगिता हुने आइतबार आयोजित पत्रकार सम्मेलमा जानकारी दिइयो ।
खेलकुदका गतिविधिले विद्यार्थीको स्वास्थ्य र मनोबलमा सकारात्मक प्रभाव पार्ने भएकाले फुटसल प्रतियोगिता आयोजना गरिएको ग्लोबल रिचले जनाएको छ । प्रतियोगितामा लिगकम नकआउटका आधारमा खेलाइने बताइएको छ । विद्यार्थीमा अन्तरनिहित क्षमता प्रस्फुटन गर्न प्रतियोगिता प्रभावकारी हुने ग्लोबल रिच नेपालका प्रवन्ध निर्देशक नारायण बजाजले बताए ।
प्रतियोगितामा बुढानिलकण्ठ स्कुल, क्यापिओन एकेडेमी, चेल्सी इन्टरनेशनल एकेडेमी, जेम्स इन्स्टिच्युट, ग्लोबल कलेज इन्टरनेशनल, काष्ठमाण्डप ए लेभल एकेडेमी, मल्पी इन्स्टिच्युट, नामी कलेज, ओरियन्ट कलेज, प्रिमियर इन्टरनेशनल आइबिआइ, रातो बंगाला स्कुल, रुपिजइन्टरनेशल स्कुल, सेन्ट जेभियर्स कलेज, दि ब्रिटिस मोडल कलेज, युलेन्स स्कुलको सहभागिता रहने पत्रकार सम्मेलनमा जानकारी दिइयो ।
ग्लोबल रिचले उच्च शिक्षा अध्ययनका लागि अष्ट्रेलिया, न्युजील्याण्ड, अमेरिका, युके, क्यानडा लगायतका देश जान चाहने विद्यार्थीलाई परामर्श सेवा प्रदान गर्दै आइरहेको छ ।
Comments are closed.