हिमालयन ८०–२० फण्डले १६.१६ प्रतिशत प्रतिफल घोषणा

काठमाडौं । हिमालयन म्युचुअल फण्ड अन्तर्गत सञ्चालित हिमालयन ८०–२० (H8020) ले गत आर्थिक वर्षका लागि प्रतिफल घोषणा गरेको छ ।

फण्डले आफ्ना इकाईधनीलाई करसहित १६.१६ प्रतिशतका दरले प्रतिफल वितरण गर्ने घोषणा गरेको हो । भदौ १३ गते बसेको योजना व्यवस्थापक हिमालयन क्यापिटलको सञ्चालक समितिको बैठकले सो प्रतिफल वितरण गर्ने निर्णय गरेको हो ।

घोषित प्रतिफल नियामक निकाय नेपाल धितोपत्र बोर्डको स्वीकृतिपश्चात इकाईधनीहरूलाई वितरण गरिनेछ ।