लेखनाथ । रामप्रसाद गुरुङ ‘किसान’ले ताइवान, कोरिया र हङकङमा तीन दशक बिताए । श्रीमती पानकुमारी गुरुङका साथ विदेश बसेका उनले त्यहाँ विभिन्न काम गरे । विभिन्न व्यवसाय, मार्ट, रेष्टुरेन्ट सञ्चालन गरेर व्यावसायिक अनुभव पनि सँगाले । अन्ततः उनलाई आफ्नै देश फर्कन मन लाग्यो । मकाउ बसेका उनले आफ्नै देशमा ‘मकाउ’ देखे ।
पोखरा ३१ बेगनास लेक नहरचोकमा उनले सञ्चालनमा ल्याएको ‘होटल मकाउ बेगनास लेक’ यस क्षेत्रको सुविधा सम्पन्न र पर्यटकस्तरीय होटलमा पर्न सफल छ । विदेशमा आर्जेको सिप र रकमलाई नेपालमा लगानी गर्ने र होटल व्यवसायमा केहि राम्रो र फरक गर्ने सोचका साथ उनले लगानी गरेका हुन् । कोरोना महामारीको समयमा उनले होटलमा लगानी गरे । जुन होटल सञ्चालनमा आएको २ वर्ष भइसकेको छ । विदेशको सिप र प्रविधिलाई प्रयोग गर्दै हस्पिटालिटी क्षेत्रमा नयाँ पन दिने गरी होटल सञ्चालनमा ल्याएको बताउँछन् उनी ।
आन्तरिक तथा बाह्य पर्यटकलाई लक्षित गरी लेखनाथ क्षेत्रमा सुविधा सम्पन्न होटल सञ्चालनमा ल्याइएको गुरुङले बताए । होटलमा डिलक्स, सुपरडिलक्स र एक्ज्युकेटिभ स्विट गरी २६ वटा रुम छन् । ग्राउण्डफ्लोर रेष्टुरेन्ट एण्ड बार तथा रुफटपमा ओपन स्काई रेष्टुरेन्ट एण्ड बारको सुविधा छ । होटलबाट हिमालयको रेन्ज, बेगनास ताल र वरपरको दृश्यावलोकन स्पष्टसँग गर्न सकिन्छ । प्रत्येक रुममा प्राइभेट बाल्कोनीको व्यवस्था छ ।
होटलमा ३ हजार रुपैयाँदेखि ७ हजार रुपैयाँसम्मको रुमहरु उपलब्ध छन् । होटलमा लिफ्ट, पार्किङ लगायतको सुविधा छ । खाना तथा खाजाका लागि स्वादिष्ट परिकार उपलब्ध हुन्छ । होटलमा खानाका परिकारलाई विशेष प्राथमिकतामा राखिएको गुरुङले बताए । नेपाली, इण्डियन, चाइनिज र कन्टिनेन्टल खानाको स्वाद पर्यटकले लिन पाउँछन् । नेपाली टिपिकल खानाका परिकारहरु धेरैको रोजाईमा पर्ने गरेको उनले जानकारी दिए । कार्यक्रम तथा मिटिङका लागि हलको सुविधा पनि छ ।
नियमित ग्राहकलाई विशेष छुट
होटलले नयाँ वर्ष, दशैं, तिहार लगायतका विशेष अवसरमा ग्राहकलाई १५ प्रतिशतसम्म छुट दिने गरेको छ । दुईपटक भन्दा बढि आउने ग्राहकको लागि १० प्रतिशत छुटको व्यवस्था पनि गरिएको छ । ‘नियमित आउने ग्राहकलाई दिइने विशेष छुटले उहाँहरु लाभान्वित भइरहेको हामीले पाएका छौं,’ उनले भने ।
जन्मदिन र वैवाहिक वर्षगाँठ मनाउन आउने पाहुनालाई होटलले निःशुल्क केक उपहार प्रदान गर्दै आएको छ । करिब तीन रोपनी क्षेत्रफलमा संचालनमा आएको होटलमा १२ जनाले प्रत्यक्ष रोजगारी पाएका छन् ।
Comments are closed.