पोखरा । कंगारु एजुकेशन फाउन्डेसनको आयोजनामा ‘अल नेपाल रोड सो इनहाउस इभेन्ट’ भोली मंगलबार पोखरामा हुने भएको छ ।
कंगारुको पोखरा कार्यालय चिप्लेढुङ्गामा कार्यक्रम हुने बताईएको छ । उच्च शिक्षा अध्ययनका लागि विदेश जान चाहने विद्यार्थीलाई लक्षित गरी कंगारुले रोड सो कार्यक्रम आयोजना गरेको हो । रोड सो बिहान १० बजेदेखि साझँ ४ बजेसम्म संचालन हुनेछ ।
युएसए, न्युजिल्याण्ड, क्यानडा, युके र अष्ट्रेलियाका २० भन्दा धेरै युनिभर्सिटी तथा कलेजका प्रतिनिधि इभेन्टमा सहभागी रहने कंगारु पोखराका निर्देशक टिआर काफ्लेले जानकारी दिए । रोड सो कार्यक्रममा सहभागी भई पछिल्लो परिवर्तित नीति नियम लगायत विदेशको शिक्षा प्रणालीका बारेमा आवश्यक सम्पूर्ण जानकारी लिन कंगारुले विद्यार्थीलाई आग्रह गरेको छ ।
कंगारुले काठमाडौं, बिर्तामोड, इटहरी, चितवज र बुटवलमा इभेन्ट सम्पन्न गरिसकेको छ । इभेन्टमा विद्यार्थी तथा अभिभावकको उत्साहजनक सहभागिता रहेको बताईएको छ ।
Comments are closed.