काठमाडौं । विगत १६ वर्षदेखी निरन्तर रुपमा उपहार कार्यक्रम आयोजना गर्दै आएको काठमाडौंको गोङ्गबु नयाँ बसपार्कस्थित कान्तिपुर मलले यस वर्ष पनि दसैं, तिहार र छ्ठ पर्वलाई लक्षित गरी उपहार प्याकेज ल्याएको छ । ग्राहकलाई आकर्षित गर्न मलले चाडपर्वको अवसरमा सामान खरिदमा छुटदेखि उपहार योजना सार्वजनिक गरेको हो ।
मलमा सामान किनमेल गर्ने हरेक ग्राहकले एक हजार रुपैयाँभन्दा माथिको सामान खरिदमा एउटा उपहार कुपन प्राप्त गर्नेछन् । उपहार योजनाअन्तर्गत मङ्सिर १ गते ग्राहकको उपस्थितिमा पुरस्कार घोषणा हुने मलका महाप्रबन्धक अमर निरौलाले जानकारी दिए ।
उपहार योजनामा प्रथम पुरस्कार १५० सिसिको यमाहा बाईक, दोश्रो पुरस्कार १२५ सिसिको यमहा स्कुटर, तेश्रो पुरस्कार ४३ इन्चको एमआई कम्पनीको एलईडि ,चौथो पुरस्कार सान्सुई कम्पनीको २०० लिटरको फ्रीज र अन्य मेमाको घडी, आईरन लगायतका सान्त्वना पुरस्कार रहेको बताइएको छ ।
मलमा वित्तीय संस्था, सैलुन, गुदपाक, लत्ताकपडा, ईलेक्ट्रोनिक्स आईटम, रेस्टुरेन्टलगायतका सेवासुविधा रहेको कान्तिपुर मल व्यापार संघका अध्यक्ष जित बहादुर कटवालले जानकारी दिए ।
कान्तिपुर मलमा आउने ग्राहकले सुपथ मूल्यमा गुणस्तरीय सामान प्राप्त गर्ने कान्तिपुर मल व्यापार संघका उपाध्यक्ष रमेश गौतम बताउछन् ।
Comments are closed.