पोखरा । लक्ष्मी ग्रुप प्रा.लि. द्वारा स्थापित तथा पोखरा उद्योग वाणिज्य संघद्वारा संचालित लक्ष्मी विद्या पदक वितरण गरिएको छ । पोखरा उद्योग वाणिज्य संघको ७१औ साधारण सभाको उद्घाटन सत्रमा विशेष समारोहकाबीच पदक वितरण गरिएको हो । कास्की जिल्लामा स्थापित विभिन्न क्यम्पसहरुबाट ब्यवस्थापन संकाय अन्तर्गत स्नाताकोत्तर तह एम.वि.एस. तथा स्नातक तह अन्तर्गत वि.वि.ए.र वि.वि.एस.मा उत्कृष्ट अंक हासिल गरि उत्तिर्ण हुने विद्यार्थीहरुलाई सो पदक प्रदान गरिंदै आएको छ ।
यस पटक लक्ष्मी विद्यापदक – २०८१ बाट व्यवस्थापन संकाय अन्तरगत स्नाताकोत्तर तह (एम.वि.एस.)मा पृथ्वी नारायण क्याम्पस की दिपा तिवारी, स्नातक (वि.वि.ए) तर्फ ला ग्राण्डी ईनटरनेशनल कलेजकी प्रमिशा सापकोटा एवम् स्नातक (वि.वि.एस.) तर्फ पृथ्वी नारायाण् क्याम्पसका विजय सुवेदी सम्मानित भएका छन् । सम्मानित विद्यार्थीलाई कार्यक्रमका प्रमुख अतिथि नेपाल उद्योग वाणिज्य महासंघका वरिष्ठ उपाध्यक्ष एवम् लक्ष्मी ग्रुप प्रा.लि.का कार्यकारी निर्देशक अन्जन श्रेष्ठ, पोखरा उद्योग वाणिज्य संघका अध्यक्ष गोकर्ण कार्की एवम् लक्ष्मी ग्रुपका अर्का कार्यकारी निर्देशक सुनिल श्रेष्ठले माला, दोसल्ला, ताम्रपत्र, विद्यापदक एवम नगद पुरस्कार जनही स्नातकोत्तरलाई २५ हजार तथा स्नतकलाई रु. १५ हजारका दरले सम्मान गरेका थिए ।
कार्यक्रममा सम्मानितहरुको तर्फबाट बोल्दै सम्मानित विद्यार्थी दीपा तिवारीले यस किसिमको सम्मानले जिवनमा अघि बढ्न थप हौसला एवम् उर्जा मिलेको बताइन् । मन्तब्यकै क्रममा उनले विद्या पदकको स्थापना गर्ने लक्ष्मी ग्रुप, संचालन गर्ने पोखरा उद्योग वाणिज्य संघ तथा आफ्ना अध्यापक गुरुहरुलाई विशेष धन्यवाद दिएका थिए ।
सम्मानको सो सत्रलाई उद्योग वाणिज्य संघका पुर्व अध्यक्ष वसन्त उदास ले संचालन गरेका थिए । सोहि क्रममा उदासले विद्या पदकबाट हाल सम्म ७३ जना विद्यार्थीहरु सम्मानित भइ सकेको र उनिहरु देश तथा विदेशका विभिन्न प्रतिष्ठित संघ संस्था एवम् सरकारि तथा निजि क्षेत्रका प्रतिष्ठानहरुमा विभिन्न आहोदामा कार्यरत रहेको जानकारी गराएका थिए ।
२०५५ पुस २० गते पोखरा महानगरको दोश्रो नगर परिषदको उद्घाटन समारोहमा समाजसेवा, साहित्य, शिक्षा,संगीत, पत्रकारिता,उद्योग, पर्यटन, खेलकुदको क्षेत्रमा पुर्याएको योगदानको कदर गर्दै ९ जनालाई पोखरेली नवरत्नका रुपमा सम्मान गरिएको थियो । सोहि सम्मान पाएका लक्ष्मी हाउसका बुद्घि बहादुर श्रेष्ठले सम्मानमा पाएको १० हजार रुपैयामा लक्ष्मी हाउसको तर्फबाट २ लाख १ हजार १सय ११ रुपैया थपि अक्षयकोषको स्थापना गरि लक्ष्मी विद्या पदकको सुरुवात गरेका थिए । तत्पश्चात विद्या पदक वितरण नियमित रहेको लक्ष्मी हाउसले जनाएको छ ।
Comments are closed.