लेखनाथ । कास्कीको लेखनाथमा २०औं संस्करणको लेखनाथ महोत्सव जारी छ । ‘महोत्सव लेखनाथको संस्कृति, स्थानीय उत्पादन विकास र सम्मृद्धि’ नाराका साथ आयोजित महोत्सवमा दर्शकको आकर्षण देखिएको छ ।
महोत्सवमा दर्शकलाई भरपुर मनोरञ्जन प्रदान गर्ने उद्देश्यले राष्ट्रियस्तरका चर्चित कलाकारहरुको प्रस्तुति राखिएको सआयोजक लेखनाथ उद्योग वाणिज्य संघका महासचिव तथा प्रचारप्रसार संयोजक जानुका पराजुली अधिकारीले जानकारी दिइन् ।
महोत्सवमा आइतबार लोकदोहोरीतर्फ श्याम राना, भूमिका गिरी, शंकर बिरही गुरुङ, विन्दा परियार, टेक क्षेत्री, कमला गैह्रेको प्रस्तुति रहने प्रथम उपाध्यक्ष एवं कलाकार व्यवस्थापन उपसमिति संयोजक उपेन्द्रराज सुवेदी (राजु)ले जानकारी दिए ।
बेलुकाको कन्सर्टमा सहिमा श्रेष्ठ, सन्तोष बस्याल र सुशील र्यापरको प्रस्तुति रहनेछ । साथमा विद्यालयस्तरीय नृत्य, रत्यौली नृत्य, विभिन्न जाजजातिहरुको सांस्कृति प्रस्तुति पनि महोत्सवको आकर्षणका रुपमा रहने सुवेदीले जानकारी दिए ।
Comments are closed.