लेखनाथ । ‘महोत्सव लेखनाथको संस्कृति, स्थानीय उत्पादन विकास र सम्मृद्धि’ नाराका साथ आयोजित २०औं संस्करणको लेखनाथ महोत्सवमा दर्शकको आकर्षणको बढिरहेको छ ।
आइतबार ७ हजार दर्शकले महोत्सवको अवलोकन गरेका छन् भने २० लाख बराबरको कारोबार भएकोे आयोजक लेखनाथ उद्योग वाणिज्य संघका महासचिव एवं महोत्सव प्रचार प्रसार समिति संयोजक जानुका पराजुली अधिकारीले जानकारी दिइन् ।
महोत्सवमा आइतबार लोकदोहोरीतर्फ श्याम राना, भूमिका गिरी, शंकर बिरही गुरुङ, विन्दा परियार, टेक क्षेत्री, कमला गैह्रेको प्रस्तुति राखेको प्रथम उपाध्यक्ष एवं कलाकार व्यवस्थापन उपसमिति संयोजक उपेन्द्रराज सुवेदी (राजु)ले जानकारी दिए । बेलुकाको कन्सर्टमा सहिमा श्रेष्ठ, सन्तोष बस्याल र सुशील र्यापरको प्रस्तुति रह्यो ।
विद्यालयस्तरीय नृत्य, रत्यौली नृत्य, विभिन्न जातजातिहरुको सांस्कृतिक प्रस्तुति पनि महोत्सवको आकर्षण बन्यो ।
Comments are closed.