काठमाडौं । नेपालमा लीपमोटर को एकमात्र आधिकारिक वितरक सांग्रिला मोटर्स प्रा.लि.ले लीपमोटर ग्लोबल डिलर मिटमा “उत्कृष्ट लीपमोटर वितरक – इन्डिया एण्ड एसिया प्यासिफिक” पुरस्कार प्राप्त गरेको छ। यो अवार्डले भारत र एसिया–प्यासिफिक क्षेत्रमा लीपमोटर नेपालले बिक्री, ग्राहक सेवा र ब्रान्ड विकासमा देखाएको उत्कृष्ट प्रदर्शनलाई सम्मान गरेको हो।
यो सम्मानले बजार विस्तार, ग्राहक सेवा र ब्रान्ड स्थापित गर्नमा सांग्रिला मोटर्सको उल्लेखनीय उपलब्धिलाई उजागर गर्दै कम्पनीको उपस्थितिका लागि नयाँ मापदण्ड स्थापित गरेको बताइएको छ । यो अवार्ड कम्पनीले यस क्षेत्रभर उन्नत विद्युतीय सवारी प्रविधि र नवीनतम गतिशील समाधान प्रस्तुत गर्दै आफ्नो विस्तारलाई निरन्तरता दिइरहेको समयमा प्राप्त भएको हो।
हाङ्जाउ (Hangzhou) चीनमा मुख्यालय रहेको लीपमोटर प्रविधिमुखी इन्टेलिजेन्ट विद्युतीय सवारी ब्रान्ड हो। कम्पनीले सवारी डिजाइन, अनुसन्धान तथा विकास, उत्पादन, इन्टेलिजेन्ट ड्राइभिङ र भेइकल कनेक्टिभिटी समाधानमा विशेषज्ञता राख्छ। लीपमोटरले एसिया–प्यासिफिक, युरोप र अन्य प्रमुख बजारहरूमा द्रुत रूपमा विस्तार गर्दै स्मार्ट, दिगो र कनेक्टेड मोबिलिटी समाधानहरू विश्वभरका ग्राहकहरूलाई उपलब्ध गराइरहेको छ।
Comments are closed.