काठमाडौं । मंसिर २ गते शनिबार १० हजार ५२ जनाले मनकामना केबलकार यात्रा गरेका छन् । सो दिन बिहान ६ बजेदेखि राति १० बजेसम्म केबलकार चलाउनुपरेको मनकामना दर्शन प्रालिका नायक महाप्रबन्धक उज्ज्वल शेरचनले जानकारी दिए ।
यसका अतिरिक्त गाडी, मोटरसाइकल र पैदल यात्रा गरेर पनि मनकामना दर्शनका लागि पर्यटक मन्दिर पुगेका उनको भनाइ थियो ।
“केबलकार सुरु भए यताकै यो सङ्ख्या धेरैमध्येको एक पर्दछ । यसअघि गत वैशाख १ गते केबलकार चढ्नेको सङ्ख्या १० हजार नाघेको थियो”, शेरचनले भने, “केबलकार यात्रा गर्ने धेरै भारतीय हुने भए पनि गत शनिबारको सङ्ख्यामा तीन सय ९१ भारतीय थिए, बाँकी सबै नेपाली थिए ।”
Comments are closed.