काठमाडौं । मनकामना इन्जिनियरिङ्ग हाइड्रोपावर लिमिटेडले आफ्नो वित्तीय अवस्थामा उल्लेखनीय सुधार गर्दै गत आर्थिक वर्षमा २ करोड ८ लाख ४४ हजार रुपैयाँले नोक्सानी घटाउन सफल भएको छ ।
कम्पनीले सार्वजनिक गरेको अपरिष्कृत चौथो त्रैमासिक वित्तीय विवरणअनुसार अघिल्लो आर्थिक वर्षमा ४ करोड १६ लाख रुपैयाँ नोक्सानीमा रहेको कम्पनीको नोक्सानी हाल घटेर २ करोड ७ लाख रुपैयाँमा झरेको छ ।
आम्दानी र नाफामा सकारात्मक वृद्धि
विद्युत बिक्री आम्दानी १०.११ प्रतिशतले वृद्धि भई १२ करोड ३ लाख ६८ हजार रुपैयाँ पुगेको छ । कुल नाफा पनि ७.२९ प्रतिशतले वृद्धि भई ९ करोड ७१ लाख २४ हजार रुपैयाँ पुगेको छ । अन्य आम्दानी उल्लेखनीय रूपमा ८३३.७५ प्रतिशतले बढेर १२ करोड ४६ लाख ५५ हजार रुपैयाँ पुगेको छ । वित्तीय खर्च २६.८२ प्रतिशतले घटेर ६ करोड ७८ लाख ८३ हजार रुपैयाँमा सीमित भएको छ ।
वित्तीय सूचकहरू
प्रति सेयर आम्दानी (EPS) अझै ऋणात्मक रहँदै रु. २.६० मा छ । प्रति सेयर नेटवर्थ भने रु. ६३.७७ कायम रहेको छ । कम्पनीको चुक्ता पूँजी ८० करोड रुपैयाँ रहेको छ । रिटेन्ड अर्निङ्ग अझै २८ करोड ९८ लाख रुपैयाँ ऋणात्मक रहेको देखिएको छ । मनकामना हाइड्रोपावरले नोक्सानीमा कटौतीसहित आम्दानी र मुनाफा बढाउँदै वित्तीय अवस्थालाई क्रमिक रूपमा सुदृढ बनाइरहेको छ । आगामी दिनमा कम्पनीले ऋणात्मक आयलाई स्थायीत्वमा पुर्याउँदै सेयरधनीहरूलाई प्रतिफल दिन सक्ने अपेक्षा गरिएको छ ।
Comments are closed.