पोखरा । नेपाल पर्यटन बोर्ड गण्डकी प्रदेश कार्यालयको प्रमुखको जिम्मेवारी दोस्रो पटक पुनः मणिराज लामिछानेले प्राप्त गरेका छन् । यसअघि पनि उनी २०७५ सालमा प्रादेशिक संरचनामा जाँदाखेरी संस्थापक निर्देशकका रूपमा गण्डकी प्रदेश कार्यालयको प्रमुख भएर उनले काम गरेका थिए ।
पर्यटन क्षेत्रमा २६ वर्षदेखि संलग्न लामिछाने १६ वर्षअघि नेपाल पर्यटन बोर्डमा प्रवन्धकमा सेवा प्रवेश गरेका थिए । पर्यटनको राजधानी घोषणा भइसकेको अवस्थामा पोखरालाई साँच्चिकै पर्यटनको राजधानी बनाउन तथा पोखरा भ्रमण वर्ष २०२५ मा २० लाख पर्यटक भित्र्याउने लक्ष्यमा योगदान दिने उनले प्रतिबद्धता व्यक्त गरेका छन् ।
समग्र गण्डकी प्रदेशको पर्यटन प्रवर्द्धनका लागि नयाँ योजनासहित नयाँ आयाम थप्नेगरी काम गर्ने उनले बताए ।
बोर्डमा कुशल व्यवस्थापकको पहिचान बनाउन सफल लामिछानेले आफ्नो अनुभव र नेतृत्व क्षमताका माध्यमबाट गण्डकी प्रदेशमा पर्यटन प्रवर्द्धनलाई नयाँ उचाइमा पुर्याउने लक्ष्य लिएका छन् ।
Comments are closed.