काठमाडौं । हिमालय अर्गनाइजेसन अन्तर्गत हिमालय मोटरक्स प्रालीले नाइमा मोबिलिटी एक्सपोमा ४४ वटा म्याक्सस ई टेरेन पिकअप ट्रक बुकिङ भएको जनाएको छ। जसमध्ये कम्फर्ट भर्सन ३६ वटा र प्रिमियम भर्सन ८ वटा बुकिङ भएको हो।
उक्त कम्पनीले तीन हप्ता अगाडि मात्र सार्वजनिक गरेको ई टेरेन कम्फर्ट भर्सन पिकअपलाई रु ८८ लाख मै बजारमा प्रस्तुत गरेको थियो र नाइमा अटो शोमा रु २ लाख छुट समेत प्रदान गरेको थियो। त्यसैगरी प्रिमियम भर्सनको मूल्य रु १ करोड २८ लाख थियो भने यस मोडलको पिकअपमा रु ५ लाख छुट प्रदान गरिएको थियो। छुट सुविधा नाइमा मोबिलिटी एक्सपोको लागि मात्र कायम गरिएको भएतापनि धेरै ग्राहकले नाइमापछि पनि केही दिनका लागि उक्त अफर कायम राखिदिन अनुरोध गरेकोले भदौ १५ गतेसम्मका लागि छुट सुविधा यथावत राखेको कम्पनीले जनाएको छ। अब यो छुट सुविधा लिन इच्छुक ग्राहकले हात्तीसार स्थित म्याक्ससको सोरुममा नै गएर बुकिङ गर्न सकिने कम्पनीले जानकारी दिएको छ।
‘परिवार र व्यवसायका लागि एउटै सवारी’ नारा दिएर बिक्री वितरण थालेको यो म्याक्सस पिकअप छोटो समयमा नै नेपालमा लोकप्रिय भएको छ। विशेषगरी युवा उमेरका, कच्ची सडकहरूमा यात्रा गरिराख्नुपर्ने व्यक्तिहरू तथा क्याम्पिङमा रुचि राख्ने व्यक्तिहरूले यो सवारी साधन रुचाएको देखिन्छ। यो म्याक्सस पिकअप अन्य भन्दा एग्रेसिभ देखिनु, सुविधा सम्पन्न कारहरूमा जत्तिकै फिचरहरू लोड भएको साथै व्यवसायीक र निजी दुवै प्रयोजनका लागि उपयुक्त हुने भएका कारण पनि नेपालमा यसले छिटै बजार लिएको देखिन्छ।
उच्च ग्राउन्ड क्लिरेन्सका भएका कारण कन्स्ट्रक्सन तथा हाइड्रोपावर फिल्डमा भएका व्यवसायीहरूका लागि यो विद्युतीय पिकअप उपयुक्त हुनुको साथै किफायती समेत हुने जनाइएको छ। यो सुविधा सम्पन्न पिकअप चाइनाको विश्वसनीय तथा ख्याति प्राप्त कम्पनी क्ब्क्ष्ऋ अन्तर्गत ःबहगक कम्पनीद्वारा उत्पादन गरिएको भएका कारण पनि नेपाली ग्राहकले यस कम्पनीलाई छिट्टै विश्वास गरेको पाइएको छ। यसका साथै हिमालय मोटोरोक्सले पनि बिक्रीपछिको सेवाका लागि सहज रूपमा स्पेयर पार्ट्स तथा सर्भिस सुविधा उपलब्ध कुनै कसर बाँकी नराख्ने जनाएकोले समेत यो गाडीप्रति आकर्षण बढेको कम्पनीले जनाएको छ ।
Comments are closed.