काठमाडौं । अन्तर्राष्ट्रिय ब्राण्ड ‘मिसियो’को शोरुम काठमाडौंको नयाँ बानेश्वरमा खुल्ने भएकोे छ । मिसियो ब्राण्डका लागि नेपालको मास्टर फ्रेन्चाइज कम्पनी आरभ मल्टिनेशनल हाउसले नेपालमा मेसियोको दोस्रो शोरुम सञ्चालनमा ल्याउन लागेको हो ।
नयाँ बानेश्वरस्थित मिनिसोको भवनमा शोरुम सञ्चालन हुनेछ । मेसियोको नयाँबानेश्वर शोरुमको यही साता औपचारिक उद्घाटन हुने प्रवन्ध निर्देशक रज्जु रञ्जितकारले जानकारी दिइन् । यस अगाडि आरभ मल्टिनेशनल हाउसले मिसियोको पहिलो शोरुम शिभिल मल सुन्धारामा २०२० फेब्रअरीबाट सञ्चालनमा ल्याइसकेको छ ।
‘शतप्रतिशत जेन्युन ब्राण्ड हामीले नेपाली बजारमा उपलब्ध गराउन सफल भएका छौं,’ सञ्चालक रन्जितकारले भनिन्, ‘विश्व प्रशिद्ध ब्राण्ड मिसियो नेपाली बजारमा भित्र्याउन पाउँदा हामी निकै हर्षित छौं ।’ मेसियो चीनको उत्कृष्ट ५ ब्राण्ड भित्र पर्छ ।
महिला, पुरुष तथा सबै उमेरका मानिसहरुलाई लक्षित गरी शोरुम सञ्चालन गरिनेछ । सन् १९९७ बाट सुरु भएको यो ब्राण्डलाई चीनले विश्वव्यापी बनाउने क्रममा नेपालमा समेत आरभ मल्टिनेशनल हाउसले मास्टर फ्रेन्चाइज पार्टनर बनेर भित्र्याएको हो ।
इस्योन (yishion) चीनमा उत्पादित अन्तर्राष्ट्रिय उत्कृष्ट ब्राण्ड हो । अन्तर्राष्ट्रिय बजारमा मिसियो ब्राण्डबाट यसको ब्राण्डिङ भएको छ । ‘यो ब्राण्ड अब बजार विस्तार गर्दै संसारभर बिक्री वितरण हुँदैछ,’ रञ्जितकारले भनिन्, ‘चीनमा उत्कृष्ट ब्राण्ड बनेर स्थापित भएको मिसियोले अब नेपाल सहित अन्य देशमा पनि उत्कृष्ट पहिचान बनाउने तयारीमा छ ।’
आधुनिक तथा फेशनेवल कपडा मन पराउने ग्राहकले मिसियो ब्राण्ड रोज्ने गरेको रञ्जितकार बताउँछिन् । मिसियोको चीनमा ३४ वटा फ्याक्ट्री छन् । आफ्नै एच.आर.डी. टिम तथा डिजाइनिङ टिम पनि कम्पनीकै छ ।
Comments are closed.