पोखरा । चौधरी फाउण्डेसन र नबिल बैंकको सहकार्यमा पोखरामा शनिबार रक्तदान कार्यक्रम सम्पन्न भएको छ । बैंकको न्युरोड शाखामा आयोजित कार्यक्रममा ५५ जनाले रक्तदान गरेका छन् ।
सामाजिक उत्तरदायित्व बहन गर्दै संस्थाले समय समयमा रक्तदान लगायतका कार्यक्रम गर्दै आइरहेको छ । कोभिड महामारी पछि विभिन्न राहतका कार्यक्रम सँगसँगै चौधरी फाउण्डेसनले स्वास्थ्य सामग्री वितरणसमेत गरेको थियो ।
पछिल्लो समयमा रगतको अभावलाई मध्यनजर गरी रक्तदान कार्यक्रम आयोजना गरिएको फाउण्डेसनले जनाएको छ ।
आगामी दिनमा पनि चौधरी फाउण्डेसन र नबिल बैंकको सहकार्यमा निरन्तर सामाजिक कार्यहरु गरिरहने गण्डकी प्रदेश कोअर्डिनेटर अशोकराज आचार्यले जानकारी दिए ।
Comments are closed.