नबिल बैंकले बनाएको मन छुने भिडियो, बैंकिङ प्रविधि र कोभिड सचेतनासँगै दसैंको शुभकामना

काठमाडौं । घरमा श्रीमान आइसोलेसनमा छन् । कोरोना परीक्षण गरेपछि रिपोर्ट पोजेटिभ आउँछ । उनले यो कुरा आफ्नो श्रीमतीलाई सुनाउँछन् । श्रीमानको कुरा सुनेपछि श्रीमती आत्तिन्छिन् र पनि सम्हालिन्छिन् । केही हुँदैन भनेर श्रीमानको मन बलियो बनाउँछिन् ।

छोरीलाई साथीको फोन आउँछ । साथीले नयाँ कपडाको कुरा गरेपछि उनको आँखामा आउने आसुले जोसुकैलाई पनि भावुक बनाउँछ । बुबाको कोभिड रिपोर्ट पोजेटिभ आएको कुरा उनले साथीलाई सुनाउँछिन् । साथीले पनि उनलाई सम्झाउँछिन् । रोइरहेकी छोरीले आमाको अगाडि आसु लुकाउन प्रयास गर्छिन्, तर सक्दिनन । “मामुको लागि पनि आशु लुकाउनुपर्ने”, यो भनाईले देखाउँछ आमाछोरीबीचको सम्वन्ध र आत्मियता ।

नबिल बैंकले बनाएको यो भिडियो यतिबेला सामाजिक सञ्जालमा भाइरल छ । विश्वमा नै कोरोना महामारी बढिरहेको छ । सबै सचेत र सजग हुनु आवश्यक छ भन्ने सन्देशसहितको भिडियोले प्रविधिमैत्री बैंकिङ प्रणालीलाई पनि प्रवद्र्धन गर्न खोजेको छ । नबिल बैंकले चाडपर्व र कोरोना महामारीमा आधारित भएर ल्याएको भिडियोलाई यतिबेला धेरैले सामाजिक सञ्जालमा सेयर गरेका छन् ।

श्रीमानले डेभिट कार्ड मागेर सामान अर्डर गर्छन् र सामान घरमा आउँछ । झोलामा नयाँँ कपडा देखेपछि छोरी निकै खुसी हुन्छिन् । यसमा देन्खिन्छ उनको बालमनो विज्ञान । खुसीमा रमाउँदै जब छोरी बाबुको अंगालेमा जान खोज्छिन् र बाबुले नआउन इसारा गर्छन् यो दृष्यले सबैको मन छुन्छ ।

दशैंको टीकाको दिन छोरीले बुवाको रिर्पोट नेगेटिभ आएको हो नि भनेर सोध्दा आमाले २ पटक नेगेटिभ आउनुपर्ने बताउँछिन् । जब रिर्पोट नेगेटिभ आयो भन्दै आमाछोरीको बिचमा श्रीमान/बुवा आउँछन् अनि देखिन्छ त्यो परिवारको खुसी । कोरोना महामरीले जुनसुकै क्षेत्रमा पनि असर पारेको छ । सबैले सचेत भएर यसको सामाना गर्नुपर्ने सन्देश दिएको छ यस भिडियोले ।

हेर्नुहोस् भिडियोः