काठमाडौं । नाडा अटोमोबाइल्स एसोसिएसन अफ नेपाल, मधेस प्रदेशको अध्यक्षमा राहुल अग्रवाल निर्वाचित भएका छन्। नाडा मधेस प्रदेशको तेस्रो वार्षिक साधारणसभाले अग्रवालको अध्यक्षतामा आगामी कार्यकालका लागि नयाँ समिति चयन गरेको हो । समितिको निवर्तमान अध्यक्षमा केदार अग्रवाल रहेका छन् ।
समितिको प्रथम उपाध्यक्ष विवेक बेरीवाल, दोस्रो उपाध्यक्ष सन्तोष जयसवाल, तेस्रो उपाध्यक्ष विकास ठाकुर, चौथो उपाध्यक्ष किशोर भट्टराई, सचिवमा अभिषेक चौधरी, संयुक्त सचिवमा मुरारी केआर रौनियार, कोषाध्यक्ष दिपेन्द्र खेतान, संयुक्त कोषाध्यक्ष बिरेन्द्र केआर रौनियार निर्वाचित भएका छन् ।
त्यसैगरि सेग्मेन्ट संयोजक पीआर अफिसरमा राजु गुप्ता, मिडिया संयोजकमा सन्दीप अग्रवाल, जनसम्पर्क अधिकृतमा राजु गुप्ता निर्वाचित भएका छन् । कार्यसमिति सदस्यमा संदिप कुमार महतो, बिजय कुमार अग्रवाल ,आनन्द अग्रवाल, अनुप अग्रवाल, संदिप अग्रवाल, रवि कुमार सिकरिया रहेका छन् । त्यस्तै सिनियर एडभाइजरमा तेज नारायण साह , एडभाइजरमा बजरंग यादव रहेका छन् ।
मनोनीत सदस्यमा राकेश गुप्ता, सुनिल सिंह, पवन कुमार गुप्ता आकाश सरार्फ, मनार्थ सदस्यमा प्रजवल अधिकारी, कानूनी सल्लाहकार ट्राफिकका प्रहरी उपरीक्षक राज कुमार सिलवाल रहेका छन् ।
नाडाका केन्द्रीय अध्यक्ष करण चौधरीले मधेस प्रदेशले छोटो समयमा उल्लेखनीय प्रगति गरेको भन्दै नवनिर्वाचित कार्यसमितिलाई शुभकामना व्यक्त गरे। साधारणसभाले राजेश अग्रवाल, प्रकाश अग्रवाल, विवेक कुमार अग्रवाल, राज कुमार अग्रवाल र राजेन्द्र प्रसाद अग्रवाललाई सल्लाहकार टिममा मनोनयन गरेको छ।
Comments are closed.