राजधानीमा पहिलो पटक काठमाडौं महोत्सव आयोजना भइरहेको छ । यो महोत्सवबाट निजी क्षेत्रले कस्तो लाभ लिन सक्छ ?
राजधानीमा पहिलो पटक आयोजना भइरहेको यो महोत्सवले निजी क्षेत्रमा निकै ठूलो उत्साह जगाएको छ । विशेष गरी स्थानीय उत्पादनको बजारीकरणमा यसले महत्वपूर्ण योगदान पु¥याएको हामीले महसुस गरेका छौं । यसले उद्यमीहरूलाई आफ्नो उत्पादन देखाउने एउटा ठूलो मञ्च प्रदान गरेको छ ।
महोत्सवमा कस्ता खालका उत्पादन र प्रदर्शनीलाई विशेष जोड दिइएको छ ?
स्थानीय तहले तालिम दिएर तयार गरेका उद्यमीहरूका फरक-फरक उत्पादनहरू हामीले नजिकबाट अवलोकन गर्न सक्छौं । अन्य राष्ट्रिय तथा अन्तर्राष्ट्रिय बस्तुहरु बिक्री तथा प्रदर्शनीमा छन् । खाद्यान्नदेखि घरायसी अन्य विविध सामान प्रदर्शन गरिएकोछ । काष्ठकलादेखि धेरै आकर्षक बस्तुहरु महोत्सवमा समावेशन छन् । यहाँको कला र संस्कृतिको संरक्षण तथा रैथाने खानाको प्रवद्र्धनमा पनि महोत्सवले पुलको काम गरेको छ । अवलोकनकर्ताको उपस्थिति पनि निकै बाक्लो छ।
दर्शकहरूको आकर्षण र पहुँचका लागि के-कस्ता व्यवस्था गरिएको छ ?
हामीले महोत्सवमा सबैको सहज पहुँच होस् भनेर निःशुल्क प्रवेशको व्यवस्था गरेका छौं । यसले गर्दा अवलोकनकर्ताहरूलाई कुनै अतिरिक्त भार नपर्ने र उनीहरूले ढुक्कसँग नेपाली उत्पादनहरूको अवलोकन तथा खरिद गर्न सक्ने वातावरण बनेको छ ।
तपाईं सञ्चालक रहेको शुभकामना फुटवेयरको उत्पादन ‘फस्ट वाक’ सुज महोत्सवमा कसरी जोडिएको छ ?
म सञ्चालक रहेको शुभकामना फुटवेयर इन्डस्ट्रिज प्रालिको उत्पादन ‘फस्ट वाक सुज’ यो महोत्सवमा फूटवयर पार्टनरका बनेको छ । महोत्सव अवधिभर हाम्रा उत्पादनहरूको प्रदर्शनी र बिक्री कक्ष राखिएको छ । यस्ता मेला महोत्सवले नेपाली उत्पादनको प्रवद्र्धनमा महत्वपूर्ण भूमिका खेल्ने भएकाले हामीले सहकार्य गरेका हौं ।
फस्ट वाक सुजका विशेषताहरू के-के हुन् जसले गर्दा उपभोक्ताले यसलाई रोज्ने गरेका छन् ?
हामीले विशेष गरी स्पोट्र्स जुत्ताहरू उत्पादन र बिक्री गर्दै आएका छौं । नेपाली उपभोक्ताको आवश्यकता र रुचि बुझेर हामीले गुणस्तर, टिकाउपन र आधुनिक डिजाइनमा जोड दिएका छौं । नेपाली उत्पादनलाई नै विश्वस्तरीय बनाउने हाम्रो लक्ष्य हो । यही कारणले गर्दा नै छोटो समयमा फस्ट वाकले बजारमा आफ्नो छुट्टै पहिचान बनाउन सफल भएको छ ।
नेपाली उत्पादन प्रयोग गर्ने उपभोक्ताहरूलाई के भन्न चाहनुहुन्छ ?
नेपाली उत्पादनको प्रवर्द्धन हुनु भनेको देशको अर्थतन्त्र बलियो हुनु हो । हामीले गुणस्तरमा कुनै सम्झौता गरेका छैनौं । त्यसैले महोत्सवमा आएर हाम्रा स्वदेशी उत्पादनहरू हेर्न र प्रयोग गर्न म सबैमा आग्रह गर्दछु ।
Comments are closed.