काठमाडौं । नेचर सुपर मार्केट प्रा.लि.को चौथो शाखा बानेश्वरमा खुल्ने भएकोे छ । यही फागुन १७ गतेबाट मध्यबानेश्वरस्थित मीलनचोकमा चौथो शाखा सञ्चालनमा आउने अध्यक्ष जनक धामीले जानकारी दिए ।
बानेश्वर तथा आसपासका क्षेत्रका ग्राहकलाई लक्षित गरी शाखा सञ्चालनमा ल्याउन लागिएको हो । खाद्यान्न, ग्रोसरी तथा दैनिक उपभोग्य सामान प्रालिले ग्राहकमाझ उपलब्ध गराउँदै आइरहेको छ ।
काठमाडौंको मैतीदेवीमा मुख्य शाखा रहेको प्रा.लि.ले यस अगाडि काठमाडौंको नरेफाँट र भक्तपुरको बालकोटमा शाखा सञ्चालनमा ल्याइसकेको छ । व्यावसायिक क्षेत्रमा ३ दशक लामो अनुभव संगालेका व्यवसायीहरुको नेतृत्वमा नेचर सुपरमार्केट सञ्चालन भइरहेको छ ।
‘उपभोक्ताको सन्तुष्टि, हाम्रो दायित्व’ नाराका साथ सञ्चालनमा आएको सुपरमार्केटले बजारको माग र आम उपभोक्ताको आवश्यकता अनुसार सेवा प्रदान गर्न सफल भएको अध्यक्ष धामीले बताए ।
प्रा.लि.ले काठमाडौं उपत्यकाको जुनसुकै ठाउँमा निःशुल्क होम डेलिभरी सेवा उपलब्ध गराइरहेको छ ।
Comments are closed.