काठमाडौं । सेयर बजार परिसूचक (नेप्से) आरालो लाग्ने क्रम निरन्तर जारी छ । साताको तेस्रो दिन आजसे शेयर बजार परिसूचक नेप्से २९ दशमलव ८९ अंकले घटेर एक हजार नौ सय ६६ दशमलव ३७ विन्दुमा झरेको छ ।
आज दुई सय २९ वटा कम्पनीको ४१ लाख ८२ हजार कित्ता सेयर किनबेच हुँदा एक अर्ब ४९ करोड १७ लाख रुपैयाँमा कारोबार भएको छ । सबैभन्दा धेरै नेपाल दूरसञ्चार कम्पनीको १२ करोड ५७ लाख रुपैयाँको सेयर किनबेच भएको छ ।
आज सबै उपसमूहका सूचक घटेका छन्, जसमा बैंकिङ १७, विकास बैंक ५३, फाइनान्स २९, होटल तथा पर्यटन १३, जलविद्युत् ५४, जीवन बीमा १८९, उत्पादन ७७, माइक्रोफाइनान्स ६६, निर्जीवन बीमा १३४ र ब्यापार उपसमूह ४१ अंक घटेका छन्। बलेफी हाइड्रोपावर र लाइफ इन्स्योरेन्स कर्पोरेसनको मूल्य ८ प्रतिशत घटेको छ ।
नेप्सेमा आज सीवाईसी नेपाल लघुवित्त वित्तीय संस्थाको प्रतिकित्ता सेयर मूल्य नौ दशमलव ९९ प्रतिशतले बढेर चार सय २० रुपैयाँ ४० पैसा अन्तिम मूल्यमा प्रतिकित्ता सेयर कारोबार भएको छ ।
त्यस्तै बलेफी हाइड्रो पावर कम्पनीको प्रतिकित्ता सेयर मूल्य आठ दशमलव ७६ प्रतिशतले घटेर दुई सय ५० रुपैयाँ अन्तिम मूल्यमा प्रतिकित्ता सेयर कारोबार भएको छ ।
यसैगरी आज नेपाल टेलिकमको प्रतिकित्ता आठ सय ६५ रुपैयाँ अन्तिम मूल्यमा १२ करोड ५७ लाख १४ हजार ६ सय ४९ रुपैयाँबराबरको सेयर कारोबार भएको छ ।
Comments are closed.