काठमाडौं । नेपाल घरेलु तथा साना उद्योग महासंघको अध्यक्षमा शोभा गुरुङ चयन भएकी छन् । यसअघिको कार्यसमितिमा उपाध्यक्ष रहेकी गुरुङले केन्द्रीय महिला उद्यमी समितिको अध्यक्ष तथा महासंघको विभिन्न जिम्मेवारी सम्हालेकी थिइन्।
ललितपुरमा सम्पन्न महासंघको २६औं राष्ट्रिय महाधिवेशनले वरिष्ठ उपाध्यक्षमा डम्बरप्रसाद रेग्मी तथा उपाध्यक्षमा पूर्णबहादुर भण्डारी, सत्यनारायण अग्रवाल, यादवकुमार अधिकारी, हरिहर थापा, जानकी प्रधान, मोहन कटुवाल, रामनाथ मैनाली, सत्यनारायण प्रजापती, चन्द्रबहादुर बुढा क्षेत्री र गुणराज ढकाललाई निर्वाचित गरेको छ ।
महासंघको महासचिवमा विनोददेव पन्त, कोषाध्यक्षमा वीरेन्द्र जती, सचिवमा प्रेमबहादुर डिसी र सहकोषाध्यक्ष हेमविक्रम जिसी निर्वाचित भएका छन् ।
नवनिर्वाचित अध्यक्ष गुरुङले महासंघको गरिमालाई उच्च बनाउँदै लघु, घरेलु तथा साना उद्योगीको हक हितमा काम गर्ने बताइन् । रासस
Comments are closed.