चितवन । नाडा अटोमोबाइल्स एशोसिएशन अफ नेपालको ५०औँ स्वर्ण उत्सवको अवसरमा चितवन अटोमोबाइल्स एशोसिएशनको आयोजनामा जिल्ला ट्राफिक प्रहरी कार्यालय, चितवनमा ट्राफिक सामग्री हस्तान्तरण तथा ट्राफिक सचेतना कार्यक्रम सम्पन्न भएको छ।
कार्यक्रम चितवन अटोमोवाईल्स एशोसिएसनका अध्यक्ष मोहन केसीको अध्यक्षता, जिल्ला ट्राफिक प्रहरी कार्यालय, चितवनका प्रमुख प्रहरी निरीक्षक अनिल थापाको प्रमुख आतिथ्यतामा भएको हो । कार्यक्रममा निवर्तमान अध्यक्ष कुल वहादुर क्षेत्री, संस्थाका पूर्व अध्यक्ष शिवराज गिरि, ज्ञानु प्रसाद न्यौपाने, कृष्ण प्रसाद काफ्ले, सल्लाहकार भिम प्रसाद सुवेदी, मदन प्रधान, उद्दव जोशी, उत्तम अधिकारी, कार्यसमितिका पदाधिकारी एवं सदस्य, ट्राफिक प्रहरीका प्रतिनिधि, अटोमोबाइल व्यवसायी तथा सरोकारवालाको सहभागिता रहेको थियो।
कार्यक्रममा ट्राफिक सचेतनासम्बन्धी सामग्री हस्तान्तरण गर्नुका साथै सुरक्षित, व्यवस्थित र जिम्मेवार सडक संस्कृतिको विकासका लागि ट्राफिक प्रहरी र अटोमोबाइल क्षेत्रबीचको सहकार्य, समन्वय तथा आपसी सम्बन्धलाई अझ प्रभावकारी र सुदृढ बनाउने विषयमा फलदायी छलफल गरिएको थियो।
यस कार्यक्रमलाई सफल बनाउन प्रत्यक्ष तथा अप्रत्यक्ष रूपमा सहयोग गर्ने प्रति नाडा अटोमोबाइल्स एशोसिएशन अफ नेपाल तथा चितवन अटोमोबाइल्स एशोसिएशनले आभार व्यक्त गरेको छ ।
Comments are closed.