काठमाडौं । उच्च शिक्षालय तथा माध्यमिक विद्यालय संघ (हिसान) र कान्तिपुर पब्लिकेसन्सको आयोजनामा आठौं संस्करणको ‘कान्तिपुर हिसान एडुफेयर 2023’ हुने भएको छ । उत्कृष्ट शिक्षा नेपालमै भन्ने नाराका साथ जुन १५ देखि १८ सम्म भृकुटीमण्डपको प्रर्दशनी हलमा फेयर हुने मंगलबार आयोजित पत्रकार सम्मेलनमा जनाकारी दिइयो ।
४ दिनसम्म संचालन हुने सो फेयरमा नेपालमा संचालित शिक्षालयले प्रदान गर्ने गुणस्तरिय र उत्कृष्ट शिक्षाका वारेमा उचित जानकारी तथा परामर्श प्रदान गरिने कार्यक्रम संयोजक टंकराज आचार्यले जनाकारी दिए । प्लस टुदेखि उच्चस्तरको शिक्षा हासिल गर्ने विद्यार्थीलाई लक्षितगरि संचालन गरिएको यस फेयरमा नेपालमा रहेका विभिन्न युनिभर्सिटी तथा कलेजको सहभागिता रहने छ ।
फेयरमा २ लाख भन्दा धेरै विद्यार्थी तथा अभिभावक को सहभागिता रहने आयोजकको विश्वास छ । मेलामा निशूल्क प्रवेश गर्न पाइने छ भने १ हजारभन्दा बढी विद्यार्थीका लागि पुर्ण तथा आंशिक छात्रवृत्तिको व्यवस्था गरिएको बताइएको छ ।
Comments are closed.