पोखरा । गण्डकी प्रदेशका उद्योग पर्यटन, वन तथा वातावरण मन्त्रि दीपेन्द्र बहादुर थापाले र तिब्बतीयन प्रान्तका पिपुल्स कांग्रेसका उपसभापति जीयन वाइसहित डान्जेङ लुनजुङ, लीन मु लगायतका तिब्बतियन पाहुनाहरूसंग शिष्टचार भेटघाट गरेका छन् ।
भेटमा दुई प्रादेशिक सरकार संचालनका अनुभव आदान प्रदान, वन, वातावरण, जडीवुटीको बृद्धि विकास र प्रशोधन गरि व्यापार बढाउने र सहयोग आदान प्रदानको बारेमा छलफल भएको बताइएको छ ।
पर्यटन प्रर्वद्धन र तिब्बतसंगको पुरानो व्यापार सम्बन्धलाई अझै उकास्नका लागि यो भ्रमण फलादायी हुने तिब्बतीयन पिपुल्स काग्रेसका उपसभापति जीयन वाईले बताए । तिब्बतको वन वातावरण र पर्यटन सम्बन्धि विकास प्रत्यक्ष रूपमा अवलोकन गर्न तिब्बत भ्रमणको लागि निमन्त्रणा समेत गरेका छन् ।
मन्त्री थापाले यस्ता भ्रमण नेपालको सबै ठाउँमा गर्नकालागि अनुरोध गर्दै फेरी फेरी पनि यस्ता भ्रमणको लागि निमन्त्रणा गरेका छन् ।
Comments are closed.