पोखरा । मणिपाल शिक्षण अस्पताल र कास्की हेभी इक्युपमेन्ट व्यवसाय संघबीच ‘कर्पोरेट स्वास्थ्य परीक्षण सुबिधा योजना‘मा सम्झौता भएको छ । अस्पतालले ल्याएको नयाँ स्वास्थ्य प्याकेज व्यवसायिक प्रतिष्ठान तथा संघ, संस्था स्वास्थ परिक्षण योजना’मा अस्पताल र कास्की हेभी इक्युमेन्ट व्यवसायी संघ बीच सहमति भएको हो ।
कास्की हेभी इक्युमेन्ट ब्यबसायी संघमा आबद्द सदस्यहरुले मणिपाल शिक्षण अस्पतालको स्वास्थ्य सेवामा छुट पाउने छन्। मणिपाल शिक्षण अस्पताल पोखरा र कास्की हेभी इक्युपमेन्ट व्यवसायी संघबीच स्वास्थ्य सेवा सुबिधा सम्बन्धी सहमती भएसँगै कास्की हेभी इक्युपमन्ट व्यवसायी संघमा आबद्द कर्मचारीहरु तथा सदस्यहरुले सो सुविधा पाउने भएका हुन् । कास्की हेभी इक्युपमेन्ट व्यवसायी संघका कर्मचारी तथा सदस्यहरुले मणिपालको स्वास्थ्य सेवा लिँदा दर्ता शुल्क लाग्ने छैन।
मणिपाल शिक्षण अस्पताल पोखराका प्रमुख कार्यकारी अधिकृत अनील ओडुविल र कास्की हेभी इक्युपमेन्ट व्यवसायी संघका अध्यक्ष बालकृष्ण कोईरालाले सम्झौतापत्रमा हस्ताक्षर गरेका छन् ।
त्यस्तै कास्की हेभी इक्युपमेन्ट व्यवसायी संघका सदस्यहरुले मणिपालको साधारण बेडमा २५ प्रतिशत, निःशुल्क डाक्टरी परामर्श, साधारण एमआरआइ र सिटी स्क्यानमा १० प्रतिशत छुट पाउने छन् । ‘न्यूरो सर्जरी तथा अति विशिष्ट सेवा बाहेकका अन्य शल्यक्रियामा १० प्रतिशत छुट दिइनेछ,’सम्झौतापत्रमा भनिएको छ,‘नियमित जाँचमा १५ प्रतिशत छुटको व्यवस्था छ।’
Comments are closed.