रौतहट । चन्द्रज्योति इंलिस आवासीय स्कुल चन्द्रनिगाहपुर वडा नं. ४ रौतहटको आयोजनामा चंगा उडाउने प्रतियोगिता सम्पन्न भएको छ । नजिकिदै गरेको दसैं पर्वलाई लक्षित गरी प्रतियोगिता आयोजना गरिएको स्कुलका प्रिन्सिपल लक्ष्मी कार्कीले जानकारी दिइन् ।
विद्यार्थीमा रहेको अन्तरनिहित प्रतिभालाई उजागर गर्न तथा विद्यार्थीलाई प्रेरणा प्रदान गर्ने उद्देश्यले प्रतियोगिता आयोजना गरिएको कार्कीले जानकारी दिइन् ।
प्रतियोगितामा १० जना विद्यार्थी सहभागी भएका थिए । प्रतियोगितामा कक्षा १० का निरज लामा प्रथम, कक्षा १० कै दक्ष गुर्मछान द्वितीय, कक्षा १० कै विकास थिङ तृतीय भएका छन् ।
कक्षा ४ देखि १० सम्मका विद्यार्थीहरु प्रतियोगितामा सहभागीमा भएका थिए ।
स्कुलमा नर्सरीदेखि कक्षा १० सम्मको अध्ययन हुँदै आइरहेको छ ।
‘स्कुलले विद्यार्थीहरुको क्षमता प्रस्फुटन गर्नका लागि अतिरिक्त क्रियाकलामा जोड दिदै आइरहेको छ,’ प्रिन्सिपल कार्कीले भनिन् ।
Comments are closed.