काठमाडौं । एनआईएमबि एस क्यापिटल लिमिटेडले पायोनियर ल असोसिएट्स र इक्रा नेपाल लिमिटेड सँगको सहकार्यमा “रोड टु आईपीओ” नामक कार्यशालाको सफल आयोजन गरेको छ । कार्यक्रम २०२५ अगस्ट २९ मा काठमाडौंको एक प्रतिष्ठित स्थलमा सम्पन्न भएको हो ।
कार्यक्रमको उद्देश्य कर्पोरेट संस्थाहरुलाई प्राथमिक सार्वजनिक निष्काशन (IPO) को माध्यमबाट कम्पनीलाई पूँजी बजारमा सूचिकृत गर्न आवश्यक प्रक्रिया, कानुनी व्यवस्था, रणनीति र तयारी बारेमा जानकारी र मार्गदर्शन प्रदान गर्नु रहेको थियो ।
कार्यक्रमको उद्घाटन एनआईएमबि एस क्यापिटलका प्रमुख कार्यकारी अधिकृत शिवान्त बहादुर पाँडेले गरेका हुन् । । उनले ईपीओको दीर्घकालीन रणनीतिक फाइदा, पूँजी निर्माणमा यसको भूमिका, र समग्र आर्थिक विकासमा यसले पु¥याउने योगदानबारे चर्चा गरे ।
पायोनियर ल असोसिएट्सका वरिष्ठ अधिवक्ता अनुप राज उप्रेती ले सार्वजनिक निष्काशनसम्बन्धी कानुनी पक्ष र प्रचलित कानुनी व्यवस्था तथा कम्पनीले पालना गर्नुपर्ने प्रमुख कानुनी प्रक्रियाहरूबारे प्रष्ट जानकारी प्रस्तुत गरे ।
त्यस्तै, एनआईएमबि एस क्यापिटलका वरिष्ठ प्रबन्धक सचिन्द्र ढुंगाना ले संस्थागत सुशासन, निष्काशनको उपयुक्त समय, विधि छनोट, पूँजी संरचना, मूल्य निर्धारण र समयरेखा जस्ता विषयमा विस्तृत जानकारी प्रस्तुत गरे ।
कार्यक्रममा इक्रा नेपाल लिमिटेडका प्रमुख कार्यकारी अधिकृत राजिव महर्जनले कम्पनीको वित्तीय अवस्था र क्रेडिट रेटिङ को प्रभावबारे प्रस्तुति दिँदै, यसले लगानीकर्ताको विश्वास र धारणामा पार्ने प्रभाव को चर्चा गरे ।
उक्त कार्यशालामार्फत आयोजक संस्थाहरूले वित्तीय साक्षरता प्रवर्द्धन, संस्थागत सुशासन सुदृढीकरण, तथा नेपाली कम्पनीहरूलाई पूँजी बजारमा सूचिकरणतर्फ प्रोत्साहन गर्न आफ्नो प्रतिबद्धता दोहोर्याएका छन् । सहभागीहरूले कार्यशालाबाट मूल्यवान जानकारी प्राप्त गरेको प्रतिक्रिया दिएका छन् ।
Comments are closed.