काठमाडौं । निसान मोटर इन्डियाले आफ्नो हालको प्रोडक्ट–लाइनअपमा नयाँ सेभेन-सिटर बि–एमपिभि थप्ने घोषणा गरेको छ । हालसालै जापानको योकोहामामा सम्पन्न ‘ग्लोबल प्रोडक्ट सोकेस इभेन्ट’मा निसानले भारतको लागि लक्षित दुई नयाँ उत्पादनहरू प्रदर्शनसमेत गरेको थियो । यो घोषणा, निसानको भारत बजारको लागि लक्षित योजना अनुरुप छ । जसअन्तर्गत आफ्ना ग्राहकहरूको बढ्दो आकांक्षाअनुरुप हालका उत्पादनहरूलाई परिमार्जन गरी प्रस्तुत गर्ने योजना कम्पनीको छ ।
यो योजना अन्तर्गत परिमार्जित गाडीहरू तीव्र गतिमा वृद्धि भइरहेको बि–एमपिभि, सि–एसयुभि जस्ता सेगमेन्टका साथै नयाँ निसान म्यागनाइटले नेतृत्व गरेको बि–एसयुभि सेगमेन्टमा पनि उपलब्ध गराइनेछ । निसानको लागि नेपालको आधिकारिक वितरक पायोनियर मोटो कर्पले नेपाली बजारमा पनि यो लाइन–अप सार्वजनिक गर्ने घोषणा गरेको छ ।
निसानको नयाँ सेभेन-सिटर बि-एमपिभि (मल्टि-पर्पस भिहेकल)को पहिलोपटक विश्वव्यापी सार्वजनिक प्रदर्शनसँगै निसानको ‘प्लान्ड प्रोडक्ट–अफेन्सिभ’ रणनीति सुरू भएको छ । उक्त सेभेन–सिटर, निसानको भारतको प्रोडक्ट–पोर्टफोलियोमा नयाँ (ब्रान्ड–न्यु) सदस्यको रूपमा थपिने छ, जुन सन् २०२५ को आर्थिक वर्षमा सार्वजनिक गरिने छ ।
त्यसपछि, पहिले नै घोषणा गरिएको फाइभ-सिटर सि–एसयुभि (कम्प्याक्ट स्पोट्र्स युटिलिटि भिहेकल) आर्थिक वर्ष सन् २०२६ को सुरुवातमा सार्वजनिक गरिने जनाइएको छ । कम्पनीले दुई नयाँ टिजरहरू सार्वजनिक गरेको छ जसले दुवै सवारी साधनहरूको ‘डेभलवमेन्ट र टाइमलाइन’ पुष्टि गर्दछ । बि÷सि र डिएसयुभि सेगमेन्टका भारतीय ग्राहकहरूका लागि ४ नयाँ उत्पादनहरू सार्वजनिक गर्ने लक्ष्यतर्फ नै निसान मोटर इन्डिया अघि बढिरहेको छ ।
नयाँ सि–एसयुभि, निसान पट्रोलको डिजाइनबाट प्रेरित छ । यो सि–एसयुभिले प्रतिष्ठित निसान एसयुभिको डिएनए प्रस्तुत गर्दै निसानको विश्वव्यापी रूपमा परिचित उच्च विश्वसनीयता, प्रिमियम निर्माणशैली, र अत्याधुनिक प्रविधि प्रदान गर्नेछ ।
अर्कोतर्फ निसानको सेभेन–सिटर बि–एमपिभिले आफ्नो खरिदमा अधितम लाभ खोज्ने ग्राहकहरूलाई उत्कृष्ट मूल्यमा उत्कृष्ट फाइदा, गुणस्तर र सहजता प्रदान गर्नेछ । निसानको बि–एमपिभिले निसानको विशिष्ट डिजाइन फिलोसोफिमा पृथक रहेको ‘मस्कुलर स्टाइलिङ’ प्रस्तुत गर्नेछ । यो बि–एमपिभि, सवारीको आनन्दमा सम्झौता नगरीकन सबै यात्रुहरूका लागि उत्कृष्ट आराम सुनिश्चित हुनेगरी डिजाइन गरिएको छ ।
भारतको वार्षिक आन्तरिक बिक्री र निर्यात (एनुअल डोमेस्टिक सेल्स एन्ड एक्स्पोर्टस्)मा एक लाख इकाईको महत्वाकांक्षी लक्ष्य हासिल गर्ने दिशामा निसान अघि बढिरहेको छ । यस लक्ष्यलाई साथ दिन कम्पनीले दुवै नयाँ उत्पादनहरू चेन्नइस्थित ‘अलायन्स जेभि प्लान्ट’मा स्थानीय रूपमा नै उत्पादन गर्नेछ ।
नयाँ निसान म्याग्नाइटको सफलतामा आधारित हुँदै निसानले भारतमै निर्माण गरी विश्वभर निर्यात गरिने नयाँ सि–एसयुभि पनि प्रस्तुत गर्दैछ ।
पायोनियर मोटोकर्प प्रालि, नेपालमा निसान मोटर कम्पनीको लागि आधिकारिक वितरक हो । सन् २०१४ मा स्थापित कम्पनीले जापान, थाइल्यान्ड र भारतस्थित निसानको उत्पादन प्लान्टबाट सवारीसाधन आयात गर्दछ । कम्पनीको नेपालभर १३ वटा सोरुमहरू (टच पोइन्टहरू) छन् ।
Comments are closed.